عید کے دنوں لوئر چترال پولیس کی کم سن ڈرائیورز، موٹرسائکلسٹ کے خلاف بھرپور مہم جاری ، درجنوں موٹرسائکل تھانوں میں جمع کردیے گیے
عید کے دنوں لوئر چترال پولیس کی کم سن ڈرائیورز، موٹرسائکلسٹ کے خلاف بھرپور مہم جاری ، درجنوں موٹرسائکل تھانوں میں جمع کردیے گیے
چترال ( نماینددہ چترال ٹایمز ) ڈسٹرکٹ پولیس آفیسر لوئر چترال اکرام اللہ کی خصوصی احکامات پر لوئر چترال میں ممکنہ ٹریفک حادثات کی روک تھام کے خاطر کم سن موٹرسائکلسٹ /ڈرائیورز کے خلاف کارروائیوں کا سلسلہ جاری ہے۔پولیس ذرایع کے مطابق عید کے دو دنوں کے اندر درجنوں موٹر سایکل تھانوں میں جمع کردیے گیے ، جو عید کے بعد والدین کی طرف سے ضمانت نامہ جمع کرنے کے بعد واپس کردیے جاییں گے۔ یہاں یہ بات بھی قابل ذکر ہے کہ پولیس کی سخت کاروائی کے باعث ابھی تک موٹر سائکل حادثہ کی کوئی رپورٹ درج نہیں ہوئی ہے۔
ضلعی انتظامیہ نے ضلع ہذا میں ایک مہینے کے لئے دفعہ 144 نافذ کیا ہے جس کے تحت ون ویلنگ, ہوائی فائرنگ,ہلربازی اسلحے کی نمائش اور عوامی مقامات پر لاوڈ اسپیکر کے استعمال پر پابندی ہے۔
سٹی پولیس چترال اور دیگر تھانو ں کے ایس۔ایچ۔اوز کی سربراہی میں مختلف مقامات پر ناکے کرکے متعدد کم سن ڈرائیورز اور ون ویلنگ کرنے والے نوجوانوں کو تھانہ میں لاکر ان کے والدین کو بلاکر،آئندہ اپنے کم سن بچوں کو گاڑی یا موٹر سائیکل نہ دینے کی نسبت تحریری ضمانت لے رہے ہیں۔ڈی پی او لوئر چترال نے اپنے ایک پیغام میں کہا کہ ٰ’تمام والدین سے اپیل ہے کہ وہ قانون کی پاسداری کریں اپنے کم سن بچوں کو ہرگز گاڑی یا موٹر سائکل چلانے نہ دیں خلاف ورزی کرنے کی صورت میں والدین کے خلاف بھی قانونی کاروائی کی جائے گی۔بچے قوم کامستقبل ہیں ان کی بہترین تربیت کے ساتھ ساتھ قانونی پر عمل در آمد کرنے کا پابند بنایا جائے تاکہ مستقبل میں وہ ملک اور قوم کی بہتر خدمت کرسکیں۔
