Chitral Times

Mar 1, 2024

ﺗﻔﺼﻴﻼﺕ

ڈپٹی کمشنر اور ڈی پی او لوئر چترال کا حمیدہ ایجوکیشن اینڈ بورڈنگ اکیڈمی دنین کا دورہ

شیئر کریں:

ڈپٹی کمشنر اور ڈی پی او لوئر چترال کا حمیدہ ایجوکیشن اینڈ بورڈنگ اکیڈمی دنین کا دورہ

چترال ( نمایندہ چترال ٹایمز )ڈپٹی کمشنر لوئر چترال محمد علی خان نے ڈسٹرکٹ پولیس آفیسر لوئر چترال اکرام اللہ کے ہمراہ پیرکے دن حمیدہ ایجوکیشن اینڈ بورڈنگ اکیڈمی دنین کا دورہ کیا۔ ڈپٹی کمشنر نے بچوں کو دی جانے والی سہولیات کا جائزہ لیا ۔ ادارے کے سربراہ اور سٹاف کو بچوں کی دیکھ بھال کرنے پر خراج تحسین پیش کیا۔ اور ادارے کے ساتھ ہر قسم کے تعاون کی یقین دہانی کی۔ادارے کے روح رواں استاد عما د الدین اور انجینیر مدثرالملک نے حمیدہ ایجوکیشن اینڈ بورڈنگ اکیڈیمی کے بارے میں مہمانوں کو بریفنگ دی۔ انھو ں نے بتایا کہ فلحال ادارے کے ساتھ پچاس سے زاید طلباء رہایش پذیر ہیں جن کی رہایش اور تعلیم ادارہ مختلف مخیر حضرات کی تعاون سے جاری رکھا ہوا ہے۔ جبکہ ماہانہ اخراجات ایک لاکھ روپے سے زیادہ ہے۔ اور ساتھ ادارے کی دوسری منزل بھی زیر تعمیر ہے، جس کی تعمیر مکمل ہونے پر مذید طلبا کو داخلہ دیا جاسکے گا۔

ڈپٹی کمشنر لوئر چترال اور ڈی پی او نے اکیڈمی کے بچوں کے ساتھ وقت گزارا, بچوں کے ساتھ گھل مل گئے۔ انہیں اپنائیت کا احساس دلایا۔بچوں کے ساتھ ملکر اکیڈمی کے احاطے میں پودے لگائیں۔بچوں نے دونوں افسران کو اپنے درمیان موجود پاکر خوشی کا اظہار کیا . افسران نے بچوں سے کہا کہ وہ دل لگاکر پڑھائی کریں اور مستقبل میں بڑا آفیسر بن کر اپنے ملک اور قوم کی خدمت کریں۔انھوں نے بچوں کے لیے انعامات اور تعاون کی یقین دہانی کرایی ۔

یادرہے کہ  حمیدہ ایجوکیشن اینڈ بورڈنگ اکیڈمی چترال میں اپنی نوعیت کا پہلا ادارہ ہے جو یتیم اور بے سہارہ بچوں کو تعلیم کے ساتھ رہایش کی سہولیت بھی مہیا کررہاہے، جہاں چترال کے مختلف علاقوں سے پچاس سے زاید  بچے زیر کفالت ہیں۔ جنکی عمریں پانچ  سے پندرہ سال کے درمیان  ہے۔ان کو بہترین رہایش اور بنیادی ضروریات  کی پورا کرنے ساتھ   چترال کے بہترین تعلیمی اداروں میں زیر تعلیم ہیں۔  ادارے کے زمہ داروں کا کہناہے کہ مخیر حضرات  کی تعاون سے زیر تعمیر بلڈنگ مکمل ہونے کی صورت میں وہ مذید بچوں کی کفالت کا ذمہ لے سکتے ہیں۔

Chitraltimes Dc and dpo chitral visit hamida boarding danin 7 1

Chitraltimes Dc and dpo chitral visit hamida boarding danin 4 Chitraltimes Dc and dpo chitral visit hamida boarding danin 3 Chitraltimes Dc and dpo chitral visit hamida boarding danin 2 Chitraltimes Dc and dpo chitral visit hamida boarding danin 8 Chitraltimes Dc and dpo chitral visit hamida boarding danin 5Chitraltimes Dc and dpo chitral visit hamida boarding danin 6a

Chitraltimes Dc and dpo chitral visit hamida boarding danin 1


شیئر کریں: