Chitral Times

Mar 28, 2024

ﺗﻔﺼﻴﻼﺕ

غزل – ثنا اللہ 

Posted on
شیئر کریں:

غزل – ثنا اللہ 

آرمان  دی  کوری  خوشپہ  تو  پوشین  نوباک   بیرائے

تو   یادہ  کیڑی     اشرووان    مژین    نوباک    بیرائے

یقین   کورور.   مہ   نور   اے   رویان  یہ  لو  حقیقت

تن  خوش انسانو کیاوت دی روخچھین نوباک بیرائے

نورعیچھی    دونیان   قہرو   باڑا   تہ  مریکو    تاب

رقیبو    بزمہ   ای   دفعہ    دی   بین   نوباک   بیرائے

کردار    دی  تہ جم ۔۔۔عمل  دی   صالح  کی     اوشونی

منزلو ۔۔۔تے۔۔  مشکل ۔۔   راہا    بہچین    نوباک   بیرائے

آریر   شرستو   کا   کی   ہنون   شیرین   نانو    غون

پھوکئے  یہ  دنیا   کوس موختو لوڑین نو باک بیرائے

دونے   اے   انسان  سخت  زمانو وخت تہ سورا شیر

بوس نفسا نفسی کوست و کیاغ کورین نوباک بیرائے

بے  غم  اسیکہ   غم   متے   ہش    پرائے   ہیہ    دنیا

بے  درد   یہ   دنیو   اچتو   و  تورین  نوباک  بیرائے

عشقو   شرابو    ساقیو ۔۔۔۔۔۔ ہوستار۔۔۔۔ پیکار    اچی

و   جام   ہلہل   کوس   ہوستاری پین  نو  باک بیرائے

نون    کیہ   امید   کی  گنی   تو    منزلوت     بیسان

چکئے   قف   دوغور   تیرا   دی تورین  نوباک  بیرائے

کینو۔۔۔۔۔۔۔ یہ ۔۔۔۔ثنو ۔۔۔۔۔۔۔ہالبیکو  . .ارمان نیکی دنیا

بس۔۔۔۔۔۔۔ تہ ۔۔۔۔افسہ ۔۔۔۔یہ دنیو سر بین نوباک بیرائے۔


شیئر کریں: