دھڑکنوں کی زبان – ” حالات کے ہاتھوں میں قلندر نہیں گرتا“- محمد جاوید حیات
دھڑکنوں کی زبان – ” حالات کے ہاتھوں میں قلندر نہیں گرتا“- محمد جاوید حیات
زندگی عروج وزوال کی ایک داستان ہے ۔قومیں زوال کے اندھیروں سے اپناہ چراغ جلا کر ہمت کرکے عروج کی روشنی میں آجاتی ہیں ۔۔ہمارے پاس دنیا کی تاریخ چھوڑ کر اپنی بھی سنہری تاریخ ہے صحابہ کرام نے رسول ﷺ کے ساتھ پیٹ پر پتھر باندھ کر عروج کی منزلیں طۓ کیں ۔۔خندق کھودی جارہی تھی مقصد دشمنان خدا کی یلغار کا مقابلہ تھا چٹان نکل آیا ۔ بھوک اور بے چارگی کی یہ حالت ہے کہ خود فخر موجوداتﷺ کے پیٹ مبارک پر دو پتھر باندھے ہوۓ ہیں مخبر صادق ﷺکو خبر دی جاتی ہے آتے ہیں کدال اٹھاتے ہیں پتھر کو مارتے ہیں آگ نکلتی دیکھاٸی دیتی ہے مخبر صادق ﷺ فرماتے ہیں۔۔۔قیصرو کسری اور رومتہ الکبری کے محلات مبارک ہوں ۔۔۔۔قوم بنی دنیا زیر ہو گٸ ۔۔۔جب انگریز ابھرے تو ان کے خلاف دنیا کی قوموں نے جو قربانیاں دیں تاریخ کا حصہ ہیں ۔
چین اور روس میں بادشاہت کے خلاف لوگ میدان میں آۓ قربانیوں کا ریکارڈ قاٸم کیا قوم بنی منزل مل گٸ ۔موزیتنگ جب لانگ مارچ کے لۓ روانہ ہوۓ تو تین لاکھ سرفروش ساتھ تھے منزل پر پہنچے تو دو لاکھ کی قربانی دی تھی ۔برصغیر کے مسلمان انگریزوں کے خلاف اٹھے اٹھ لاکھ شہادتیں ہوٸیں تب منزل ملی ۔۔ہمارے پڑوسی ایران میں شاہ کا اڑن تختہ کیا گیا۔۔خون کی ندیاں بہہ گٸیں منزل مل گٸ ۔۔سرزمین افغانستان اس انقلاب اور زندہ قوموں کی غیرت کا زندہ ثبوت ہے ۔اللہ جس قوم کو ابھارنا چاہتا ہے تو انکے افراد میں صبر، برداشت، ہمت اور غیرت کا جوہر پیدا کرتا ہے اور حکمران اپنی مجرمانہ غفلت عیاشیوں اور ظلم و زیادتی میں حد سے بڑھ جاٸیں تو وہ نیست و نابود ہو جاتےہیں ۔ہمارے ہاں کی صورت حال اس سے مختلف نہیں ۔مجرمانہ غفلت ، عیاشی ، لاپرواہی اور بدعنوانی کی وہ مثالیں قاٸم ہوٸی ہیں کہ ہوش و حواس کا انسان دھنگ رہ جاتا ہے ۔قوموں کی ترقی میں ان کے بڑوں کا کردار بڑا ہوتا ہے ۔وہ سب سےزیادہ تکلیف برداشت کرنےوالے اور قربانی دینے والے ہوتے ہیں ۔
جب خان لیاقت علی خان اور غلام محمد باباۓ قوم سے ملنے زیارت گۓ تو فاطمہ جناح کے مطابق وہ بھاٸی کی چرپاٸی کے پاس کھڑے ہنس ہنس کر اس سے باتیں کر رہے تھے وہ جب رخصت ہوۓ تو میں نےبھاٸی سے پوچھا کہ وہ کیا کہہ رہے تھے انھوں نے نہایت افسردگی سے کہا کہ وہ تمہارے بھاٸی کی موت کا انتظار کر رہے تھے ۔۔لیاقت علی خان کیوں قتل کیۓ گۓ ۔غلام محمد خود فالج زدہ تھے کیا کر رہے تھے سکندر میرزا ، آٸی آٸی چندیگڑھ کے کیا کردار تھے ۔مسٹر نون خیر انکی بیگم وقار النسا نون نے کم از کم گوادر کی جنگ ہمارے لۓ لڑی اللہ اس غیرتمند خاتون کی قبر نور سے بھر دے ۔مسٹر ایوب خان کا کودیتا ۔طویل امریت ۔۔۔۔پھر یحی خان اور بھٹو صاحب کی سیاست۔۔۔۔ پھر مرد حق کے گیارہ سال اس قوم نے کیا دیکھا ۔پریشانیاں جیلیں، قیدو بند ۔۔۔
کچھ اچھا ہونے کی امیدیں لیکن آگے کی جب جمہوریتیں آٸیں تو قوم ماضی کو یاد کرنے لگے ۔مجرمانہ غفلتیں اور بڑھنے لگیں ملک ترقی کی بجاۓ تنزل کا شکار ہونے لگا ۔ملک کے خزانے پر کہیں چھید پڑ گٸ ۔خزانہ خالی ہوتا رہا عوام حیران و پریشان انگشت بدندان کھڑے رہے ۔بنیادی سہولیات ترقی خوشحالی کا تصور یہ سب خواب ہوتے گۓ ۔۔ایک طرف اشرافیہ کی زندگیاں رنگینیوں کی حدوں کو چھونے لگیں ۔ایک معمولی آفسر جاٸداد کے مالک بننے لگے ۔معمولی نماٸندہ کروڑوں کے مالک بننے لگے ۔گھر سے کوٹھی ۔۔۔کوٹھی سے حویلی ۔۔۔حویلی سےفارم ہاوس بننے لگے ۔گھوڑے مربے کھانے لگے ۔۔تیتر بٹیر حلوہ کھانے لگے ۔کتے دودھ پینےلگے اور عوام آنسو پینے لگے ان کی زندگی دو وقت کی روٹی سے بھی نیچے آگٸ ۔ہم قرض لینے لگے پھر بھیک مانگنے لگے اب بھیک بھی نہیں ملتی تو قرض کےلۓ شرطیں قبول کرنے لگے ہیں ۔بدبختی اور غلامی کی اس سے نیچے بھی کوٸ سطح ہوتی ہے؟ ۔۔۔آٸی ایم ایف کے نماٸندوں نے ہمارے آقاٶں سے کہا خدارا عیاشیاں کم کرو ۔۔۔قرض دینےوالے ممالک نے کہا اپنے عوام پر رحم کرو۔۔۔ بھیک دینےوالوں نے کہا ۔۔۔عجیب بھیکاری ہو۔۔عیاشیاں
ہم سے زیادہ ۔۔۔لیکن غالب کی وہ حالت کب آتی ہے ۔۔۔
قرض کی پیتے تھے مۓ اور سمجھتے تھے یہ کہ ہاں
رنگ لاۓ گی ہماری فاقہ مستی ایک دن
اب علاج کیا ہے فاقہ مستو ! کہ مایوسی کفر ہے اپنے آپ کو سنبھالنا ہے ان کالی بھیڑوں سےنجات حاصل کرنا ہے آنکھیں بند کرکے تقلید اور عقیدت چھوڑنا ہے ۔حالات کے ہاتھوں میں گرنا نہیں ہے اپنا چراغ جلانا ہے۔بے داغ جمہوریت کاچراغ ۔۔احتساب کا چراغ ۔انصاف کا چراغ ۔عوام طاقت کا سرچشمہ ہوتا ہے ۔ہم ہر غلط کوغلط جانتے ہوۓ بھی غلط نہیں کہہ سکتے ظلم سہتے ہوۓبھی انصاف کے لۓ کمربستہ نہیں ہوتے ۔ہمیں پتہ ہے کہ جس لیڈر کو ہم برا کہتے ہیں وہ کسی دوسری پارٹی میں جاۓ جو ہماری پارٹی ہو تو وہ فرشتہ صفت بن جاتی ہے ۔۔ہم میں وہ جرات نہیں کہ حق کا اعلان کریں اورببانگ دھل اس کی حمایت کریں ۔کیا حالات اتنے گھمبیر ہیں کہ ہم سر اٹھا بھی نہیں سکتے ۔۔ہم ووٹ کو درست استعمال بھی نہیں کرسکتے ۔۔ہم بدعنوانی کے خلاف میدان میں آ بھی نہیں سکتے ۔۔اگر ہم ہمت کریں تو اللہ کی مدد آسکتی ہے ۔