Chitral Times

Feb 3, 2023

ﺗﻔﺼﻴﻼﺕ

چترال میں برفباری کا شدید سلسلہ جاری، چترال شہر میں تین انچ جبکہ بالایی علاقوں میں ایک فٹ تک برفباری ، لواری ٹنل ایمرجنسی ٹریفک کیلیے کھول دیا گیا

شیئر کریں:

چترال میں برفباری کا شدید سلسلہ جاری، چترال شہر میں تین انچ جبکہ بالایی علاقوں میں ایک فٹ تک برفباری ، لواری ٹنل ایمرجنسی ٹریفک کیلیے کھول دیا گیا

چترال (چترال ٹائمز رپورٹ) چترال شہر اور طول و عرض میں گزشتہ رات سے وقفے وقفے سے بارش و برفباری کا سلسلہ جاری ہے ، منگل کی شام تک چترال شہر میں تین انچ تک برف پڑچکی ہے ، جس کی وجہ سے سردی میں اضافہ ہوگیا ہے ،چترال کے بالایی علاقوں میں چار سے آٹھ انچ تک برف پڑچکی ہے ، لویر چترال کے سیاحتی مقام کالاش ویلی اور مدکلشٹ میں بھی ہیوی برفباری ہویی ہے ،جبکہ لواری ٹنل اپروچ روڈ پر ایک فٹ سے زیادہ برف پڑنے کی وجہ سے مسافروں کو انتہایی مشکلات کا سامنا کرنا پڑا، تاہم مقامی پولیس پھنسے ہویے گاڑیوں کو نکالنے اورمسافروں کو منزل مقصود کی طرف رواں دواں کرنے میں پیش پیش رہے۔

عوامی خدمت کے جذبے سے سرشار لوئر چترال پولیس کے باہمت افسراں و جواناں شدید برفباری کے دوران بھی عوام کی خدمت اور ریسکیو کرنے میں مصروف رہے۔
لویر پولیس کی طرف سے جاری پریس ریلیز کے مطابق ڈی پی او لوئر چترال ناصر محمود نے تمام افسران و جوانوں کو کسی بھی ایمرجنسی صورتحال سے نمٹنے کی خاطر ہائی الرٹ رہنے کی ہدایت جاری کی ہے ۔ پولیس ذرایع کے مطابق لواری ٹنل اور دروش کے مقام پر کافی گاڑیاں پھسی ہوئی ہیں ۔
ایس ڈی پی او سرکل دروش اقبال کریم سرکل کے ایس ایچ اوز اور ٹریفک وارڈن و دیگر جوانوں کے ہمراہ لواری ٹنل سے دروش تک پھسی ہوئی گاڑیوں کو ریسکیو کر رہے ہیں اور مسافروں کو محفوظ مقامات پر پہنچانے میں مصروف ہیں۔

سخت موسمی حالات کے پیش نظر تمام اڈہ مالکان اور ڈرائیور حضرات کو مطلع کی گیی ہے کہ سخت موسمی حالات میں انسانی جانوں کی حفاظت کے پیش نظر دیر اور چترال سائیڈ میں چھوٹی گاڑیوں کی امد و رفت کو روک دیا گیا ہے ۔

اسی طرح اندروں شہر و مختلف مقامات کو جانے والوں سے بھی اپیل کی گیی ہے کہ غیر ضروری سفر سے گریز کریں ،آپ کی چھوٹی سی غفلت اپ کے پیاروں کی خوشیوں کی غم میں تبدیل کر سکتی ہے ۔ڈی پی او نے کہا ہے کہ اپ کی حفاظت ہماری ذمہ داری اور ہم اپ کی خوشیوں میں برابر کے شریک ہیں۔
اخری اطلاع کے مطابق شدید برفباری اور عوام کی حفاظت کو مد نظر رکھتے ہوئے لواری ٹنل دیر اور چترال سائیڈ میں ٹریفک صرف ایمرجنسی کے لیے کھولا گیا ہے۔

دریں آثنا برفباری کے باعث لوئر چترال بکرآباد میں گاڑیوں کے پھسلنے کی اطلاع پر ریسکیو1122 لوئر چترال کی ٹیم نے بکرآباد اور چمرکھن میں سڑک سے برف ہٹا کر ٹریفیک کی روانی کو بحال کیا ریسکیو1122 لوئر چترال کسی بھی ایمرجنسی سے نمٹنے کے 24/7 تیار ہے، ریسکیو1122 کے وہیلکز میں سنو چین لگائے گئے ہیں لوئر چترال کے عوام سے گذارش کی گیی ہے کہ برف باری کے دوران غیر ضروری سفر سے گریز کریں ، تاہم کسی بھی ایمرجنسی کی صورت میں ریسکیو1122 کے ٹول فری نمبر “1122”پر رابطہ کریں، شکریہ

اسی طرح  الخدمت فاؤنڈیشن کے رضاکار بھی آج عشریت اور لواری کے مقام پر برفباری میں پھنسے مسافر گاڑیوں کو نکالنے میں مددکررہے ہیں۔

chitraltimes chitral snow fall and police rescue 2 chitraltimes chitral snow fall and police rescue 3 chitraltimes chitral snow fall and police rescue 4 chitraltimes chitral snow fall and police rescue 7 chitraltimes chitral snow fall and police rescue 9

chitraltimes alkhidmat volunteers rescue

 

chitraltimes snowfall rescue1122 lower chitral chitraltimes snowfall rescue1122 lower chitral1 chitraltimes snowfall rescue1122 lower chitral11 chitraltimes snowfall rescue1122 lower chitral1122


شیئر کریں: