Chitral Times

Mar 29, 2024

ﺗﻔﺼﻴﻼﺕ

خیبرپختونخوا کے نگران وزیراعلی محمداعظم خان نے اپنے عہدے کاحلف اٹھا لیا

Posted on
شیئر کریں:

گورنرہاؤس پشاور میں نگران وزیراعلی خیبرپختونخوا کی تقریب حلف برداری
خیبرپختونخوا کے نگران وزیراعلی محمداعظم خان نے اپنے عہدے کاحلف اٹھا لیا
گورنرخیبرپختونخوا حاجی غلام علی نے محمداعظم خان سے بطور نگران وزیراعلی ان کے عہدے کا حلف لیا

 

پشاور ( چترال ٹایمز رپورٹ ) خیبرپختونخوا کے نگران وزیراعلی محمداعظم خان نے گورنرہاؤس پشاور میں منعقدہ تقریب میں اپنے عہدے کاحلف لے لیا۔ گورنرخیبرپختونخوا حاجی غلام علی نے محمداعظم خان سے بطور نگران وزیراعلی اُن کے عہدے کاحلف لیا۔ تقریب حلف برداری میں اسپیکر صوبائی اسمبلی مشتاق احمدغنی، سابق گورنر اقبال ظفرجھگڑا، جمعیت علماء اسلام کے رہنما اکرم خان درانی، عوامی نیشنل پارٹی کے صوبائی صدر ایمل ولی خان، غلام احمد بلور، وفاقی وزیربرائے مذہبی امورمفتی عبدالشکور، انجینئرامیرمقام، نگہت اورکزئی، اراکین قومی اسمبلی سمیت دیگرسیاسی وسماجی شخصیات موجود تھیں۔ تقریب میں میئر پشاور حاجی زبیرعلی اور چیف سیکرٹری خیبرپختونخوا ڈاکٹرشہزاد بنگش،آئی جی پولیس معظم جاہ انصاری، کمشنرپشاور ریاض محسود سمیت صوبائی محکموں کے انتظامی سربراہان نے بھی شرکت کی۔ گورنرحاجی غلام علی نے نگران وزیراعلی محمداعظم خان کو نئی ذمہ داریاں سنبھالنے پر مبارکباد دی اور نیک تمناؤں کا اظہارکیا۔ واضح رہے کہ گذشتہ رات سابق وزیراعلی محمودخان اور اپوزیشن لیڈر اکرم خان درانی نے متفقہ طور پر محمداعظم خان کانام نگران وزیراعلی کیلئے تحریری طور پر گورنرخیبرپختونخوا کو ارسال کیاتھاجس کے بعدگورنر حاجی غلام علی نے ہفتہ کے روزعلی الصبح محمداعظم خان کی بحیثیت نگران وزیراعلی تعیناتی پردستخط کردیے۔#


شیئر کریں: