Chitral Times

Jan 30, 2023

ﺗﻔﺼﻴﻼﺕ

علامہ اقبال اوپن یونیورسٹی  سمسٹربہار 2023ء کے داخلے 16 جنوری سے شروع ہونگے۔ ریجنل ڈایریکٹر چترال 

Posted on
شیئر کریں:

علامہ اقبال اوپن یونیورسٹی  سمسٹربہار 2023ء کے داخلے 16 جنوری سے شروع ہونگے۔ ریجنل ڈایریکٹر چترال

چترال(چترال ٹایمز رپورٹ ) علامہ اقبال اوپن یونیورسٹی   سمسٹربہار 2023ء کے داخلے 16 جنوری سے شروع ہونگے۔ پہلے مرحلے میں میٹرک، میٹرک درس نظامی (ثانویہ عامہ)، ایف اے، آئی کام، ایف اے درس نظامی (ثانویہ خاصہ)، سرٹیفکیٹ کورسز کے داخلے ہوں گے۔ میٹرک اور ایف اے پروگراموں کے داخلے کی آخری تاریخ 21 فروری  2023 ہے۔

ریجنل ڈایریکٹر چترال وقاص الله کی طرف سے  جاری ایک پریس ریلیز  میں کہا گی اہے کہ علامہ اقبال اوپن یونیورسٹی کے میٹرک پروگرام میں داخلہ لینے والے خواہش مند طلبہ کے لئے خوشخبری ہے کہ میٹرک میں داخلہ لینے کے لئے مڈل سرٹیفیکیٹ کی شرط ختم کر دی گئی ہے۔ میٹرک میں داخلہ لینے کے خواہش مند طلبہ مڈل سرٹیفیکیٹ کے بغیر داخلہ لے سکتے ہیں۔ داخلہ لینے کے لئے“ب”فارم کی کاپی یا شناختی کارڈ کی کاپی لازمی مہیا کرنا ہو گی۔داخلہ لینے کے لئے طالب علم کے لئے ضروری ہے کہ اس کی عمر 13 سال سے کم نہ ہو۔ لہذا ثبوت کے طور پہ“ب”فارم کی کاپی یا شناختی کارڈ کی کاپی میٹرک کے داخلہ فارم کے ساتھ لگانا لازمی ہو گی۔

انھوں نے مذید کہا ہے کہ پی ایچ ڈی پروگرامز، ایم فل /ایم ایس پروگرامز، بی ایس 4 سالہ پروگرامز (ایف ایس سی  بیسڈ)۔بی ایس 2.5سالہ (بی ایس سی بیسڈ) پروگرامز کے آن لائن داخلے مین کیمپس 16 جنوری سے شروع ہوں گے جو 15فروری 2023ء تک جاری رہیں گے۔

تمام پروگرامز کے داخلہ فارم اور پراسپکٹس آن لائن دستیاب ہوں گے۔ داخلے کے امیدواروں کو فارم دوسرے ضروری کاغذات کے ساتھ اپ لوڈ کرنا ہوں گے تاہم جہاں انٹرنیٹ کی سہولت موجود نہیں وہاں پر پرنٹڈ پراسپکٹس اور داخلہ فارم میسر ہوں گے۔

علامہ اقبال اوپن یونیورسٹی ریجنل سنٹر چترال نے ریجن کی تمام تحصیلوں میں پراسپکٹس سیل پوائنٹس  قائم کردیے ہیں۔مزید برآں علامہ اقبال اوپن یونیورسٹی نے طلبہ کو داخلہ فیس بھی آن لائن جمع کروانے کی سہولت فراہم کر دی ہے۔ طلبہ داخلہ فیس ABL, MCB, UBL, FWB بینکوں کے علاوہ اب جاز کیش, ایزی پیسہ, یو پیسہ کے موبائل ایپ، فرنچائزز اور بینک کی برانچز کے ذریعے بھی جمع کرا سکیں گے

 

 


شیئر کریں: