Chitral Times

Feb 7, 2023

ﺗﻔﺼﻴﻼﺕ

چیف سیکریٹری نے ساتویں مردم شماری (پہلی ڈیجیٹل مردم شماری) کے لیے عملے کی تربیت کا باقاعدہ افتتاح

Posted on
شیئر کریں:

چیف سیکریٹری نے ساتویں مردم شماری (پہلی ڈیجیٹل مردم شماری) کے لیے عملے کی تربیت کا باقاعدہ افتتاح

مردم شماری ایک اہم قومی فریضہ ہے۔ چیف سیکرٹری ڈاکٹر شہزاد خان بنگش

پشاور (چترال ٹائمز رپورٹ) چیف سیکرٹری خیبر پختونخوا ڈاکٹر شہزاد خان بنگش نے کہا ہے کہ مردم شماری آبادی کی تفصیلی گنتی ہے، منصوبہ بندی، ترقی اور وسائل کی تقسیم کے لئے کوالٹی ڈیٹا کی ضرورت ہوتی ہے اور ایسی معلومات کے حصول کے لئے مردم شماری ایک بہترین مشق ہے۔ ان خیالات کا اظہار چیف سیکرٹری خیبرپختونخوا ڈاکٹر شہزاد خان بنگش نے ساتویں قومی مردم شماری کے حوالے سے پشاور کے سرکاری سکول میں عملے کی تربیت کے حوالے سے منعقدہ تقریب سے خطاب کرتے ہوئے کیا۔ چیف سیکرٹری نے اس موقع پر عملے کی ٹریننگ کا باقاعدہ افتتاح کیا جو ساتویں مردم شماری (پہلی ڈیجیٹل مردم شماری) کے سلسلے میں دی جارہی ہے۔ چیف سیکرٹری خیبرپختونخوا نے تقریب سے خطاب کرتے ہوئے مردم شماری کی اہمیت پر روشنی ڈالی۔ انہوں نے کہا کہ مردم شماری ایک قومی فریضہ ہے جس کی خوش اسلوبی کیساتھ انجام دہی میں تمام متعلقہ سرکاری محکموں کا کردار بہت اہم ہے، شمارکنندگان، جواب دہندگان کے درمیان تعاون کامیاب مردم شماری کیلئے ناگزیر ہے۔ملک کی تاریخ کی پہلی ڈیجیٹل مردم شماری کے حوالے سے محکمہ تعلیم سمیت دیگر محکموں کے اہلکاروں کو تربیت دی جارہی ہے، مردم شماری میں ادارہ شماریات پاکستان، نادرا، محکمہ تعلیم اور دیگر محکمے اپنا کردار ادا کررہے ہیں۔تقریب میں ڈپٹی کمشنر پشاور اور ضلعی انتظامیہ کے افسران سمیت دیگر متعلقہ حکام موجود تھے۔

chitraltimes chief secretary addresses census program2


شیئر کریں: