Chitral Times

Feb 7, 2023

ﺗﻔﺼﻴﻼﺕ

محمد علی نے دوسری مرتبہ ڈپٹی کمشنر اپر چترال کا چارچ سنبھال لیا، بونی پہنچنے پر پرتباک استقبال ، چارچ سنبھالتے ہی سیلاب سے متاثرہ آوی گاوں کا دورہ

Posted on
شیئر کریں:

محمد علی نے دوسری مرتبہ ڈپٹی کمشنر اپر چترال کا چارچ سنبھال لیا، بونی پہنچنے پر پرتباک استقبال ، چارچ سنبھالتے ہی سیلاب سے متاثرہ آوی گاوں کا دورہ

اپر چترال ( نمایندہ چترال ٹایمز ) محمد علی خان   نے آج اپر چترال میں دوسری بار بحثیت ڈپٹی کمشنر چارج سنبھال کر فرائض کی ادائیگی شروع کردی۔ اس سے قبل وہ مختصر مدت تک اپر چترال میں ڈی سی رہ چکے ہیں اس مختصر سی مدت میں اپنی مثبت کردار اور عوام دوست رویے کی وجہ سے علاقے کے لوگوں میں بہت مقبول رہے ہیں اور اپر چترال سے ان کے تبادلے پر علاقے کے لوگ  ناخوش تھے۔اس بنا پر جب وہ دوسری بار بحثیت ڈپٹی کمشنر اپر چترال  بونی میں داخل ہوئے تو عوام پُر تپاک انداز میں استقبالیہ گیٹ لگا کےاور ہار پہنا کر ان کا استقبال کیا جس میں علاقے کے سیاسی اور سماجی حلقوں کے افراد شریک تھے۔علاقے کے عوام نے امید ظاہر کی کہ علاقے کی پسماندگی اور عوامی احساس محرومی دور کرنے میں محمد علی خان پہلے سے بڑھ کر دلچسپی سے کردار ادا کرینگے ۔محمد علی علاقے کی رسم ورواج اور اقدار کو مقدم جانتے ہیں۔ اس وجہ سے مختصر وقت میں علاقے کے لوگوں کے دلوں میں اپنے لیے مقام پیدا کرچکے ہیں۔ڈپٹی کمشنر دفتر پہنچتے ہی اسٹاف  کے ساتھ خصوصی میٹنگ کی اور علاقے کی تعمیر و ترقی میں بھر پور کردار ادا کرنے کا عزم ظاہر کیا ان کا کہنا تھا کہ اپر چترال ایک نوزائیدہ ضلع ہے اس کی تعمیر و ترقی کے لیے ہم سب کو اپنے حصے کا کردار ادا کرنے کی ضرورت ہے۔

دریں اثنا چارچ سنبھالنے کے بعد انھوں نے سیلاب سے متاثرہ آوی گاوں کا دورہ کیا۔ اس دورے میں انہوں نے سیلاب متاثرین سے بھی ملے اور ضلعی ترجمان پاکستان تحریک انصاف اپر چترال افگن رضا کے ساتھ اظہار ہمدردی کی ۔ اس موقع پر نائب صدر ویمن ونگ ملاکنڈ ڈویژن ثریا بی بی ، ایڈشنل ڈپٹی کمشنر فدا الکریم، اسسٹنٹ کمشنر تورکھو موڑکھو ربنواز ، علاقے کے عمائدین و دیگر افراد موجود تھے۔ ڈپٹی کمشنر نے اس موقع پر کہا کہ اس علاقے کو پھر سے اپنی اصلی حالت میں لانے کیلئے انتظامیہ ہر ممکن کوشش کرے گی۔

chitraltimes dc upper muhammad ali resume charge 1

chitraltimes dc upper muhammad ali resume charge 3 chitraltimes dc upper muhammad ali resume charge 7 chitraltimes dc upper muhammad ali resume charge 8 chitraltimes dc upper muhammad ali resume charge 9 chitraltimes dc upper muhammad ali resume charge 5


شیئر کریں: