ایم پی اے ہدایت الرحمن کا شاہی مسجد چترال کا دورہ ، مسجد کی مرمت اور تزوین وآرایش کیلیے دو کروڑ روپے کا اعلان
ایم پی اے ہدایت الرحمن کا شاہی مسجد چترال کا دورہ ، مسجد کی مرمت اور تزوین وآرایش کیلیے دو کروڑ روپے کا اعلان
چترال ( نمایندہ چترال ٹایمز ) چترال سے ممبر صوبایی اسمبلی مولانا ہدایت الرحمن نے بدھ کے روز شاہی مسجد چترال کا دورہ کیا، شاہی خطیب مولانا خلیق الزمان نے انھیں مسجد میں تعمیرات، مرمت اور تزوین ارایش کے بارے میں تفصیل سے بریفنگ دی۔ جہاں درجن سے زیادہ انڈر گراونڈ واش رومز ، وضو کرنے کی مخصوص جگہ، مسجد کی رنگ و روغن ، گنبد اور میناروں کی مرمت ویگر تعمیراتی کام کے حوالے سے تفصیل سے انھیں اگاہ کیا۔ اور مسجد کے محدود وسایل کے مقابلے میں درپیش مسایل بھی ایم پی اے کو گوش گزار کیا۔ خطیب نے بتایا کہ سابق وزیراعلی امیر حیدرخان ہوتی کے دییے ہویے ڈیڈھ کروڑ روپے جومختلف وجوہات کی بناپر فریز کیے گیے تھے چیف جسٹس کی نوٹس میں لانے اور انکی ہدایت پر ریلیز ہونے کے بعد سی اینڈ ڈبلیو ٹھیکہ دار کے زریعے تعمیراتی کام جاری ہے تاہم مسجد میں کیی دہاہیوں سے مرمت نہ ہونے کی وجہ سے کام بہت زیادہ ہے جس کی بناپر مذید فنڈز کی اشد ضرورت ہے تاکہ مرمت اور تعمیراتی کام ادھورا نہ رہ جایے۔
ایم پی اے ہدایت الرحمن نے تعمیرا تی کام پر خوشی کا اظہارکرتے ہویے کہا کہ شاہی مسجد چترال کی پہچان ہے جس کی خوبصورتی اور بحالی کیلیے ہر ممکن کوشش اور تعاون کریں گے۔ انھوں نے شاہی خطیب کی درخواست پر مسجد کی تزوین وارایش اور مرمت کیلیے دو کروڑ روپے کا فنڈ مہیا کرنے کا اعلان کرتے ہویے بہت جلد ریلیز کرنے کا بھی عندیہ دیا ۔ جس پر شاہی خطیب نے انکا شکریہ ادا کیا۔
