پبلک سروس کمیشن پی ایم ایس امتحان کے شیڈول میں تبدیلی, فلاسفی/سائیکالوجی کے پرچہ جات 15اکتوبر کی بجائے 22اکتوبر2022 بروز ہفتہ کو ہوں گے

پبلک سروس کمیشن پی ایم ایس امتحان کے شیڈول میں تبدیلی, فلاسفی/سائیکالوجی کے پرچہ جات 15اکتوبر کی بجائے 22اکتوبر2022 بروز ہفتہ کو ہوں گے

پشاور (چترال ٹائمز رپورٹ) پبلک سروس کمیشن پی ایم ایس امتحان کے شیڈول میں تبدیلی۔ فلاسفی/سائیکالوجی کے پرچہ جات 15اکتوبر کی بجائے22اکتوبر2022 کو ہونگے۔
پبلک سروس کمیشن خیبر پختونخوا نے تمام متعلقین کو مطلع کیا ہے کہ کمیشن کے زیر اہتمام پی ایم ایس مقابلے کے امتحان2022کے فلاسفی/سائیکالوجی کے پرچہ جات 15اکتوبر کی بجائے 22اکتوبر2022 بروز ہفتہ کو ہوں گے۔ تاہم وقت، سٹیشن اور سنٹر حسب شیڈول ہی ہونگے۔ اس امر کا اعلان کمیشن کے جاری کردہ پریس نوٹ میں کیا گیا ہے جس کے مطابق یہ اقدام16اکتوبر2022 کوپشاور اور مردان میں ہونے والے ضمنی انتخابات کے دوران15اکتوبر2022سے انتخابی عملہ کے لئے سکولوں اور کالجوں کو مختص کرنے پر اٹھایا گیاہے۔