Chitral Times

Mar 28, 2024

ﺗﻔﺼﻴﻼﺕ

سیلاب سے متاثرہ سکولوں کی بحالی اور تعلیمی سرگرمیاں شروع کرنے کے حوالے سے صوبائی وزیر تعلیم شہرام خان ترکئی کی ورلڈ بینک کے وفد سے ملاقات

Posted on
شیئر کریں:

سیلاب سے متاثرہ سکولوں کی بحالی اور تعلیمی سرگرمیاں شروع کرنے کے حوالے سے صوبائی وزیر تعلیم شہرام خان ترکئی کی ورلڈ بینک کے وفد سے ملاقات

سیلاب سے متاثرہ اضلاع کے سکولوں کی بحالی کے لیے ورلڈ بینک کی ٹیم کی جانب سے HCIP پروجیکٹ کے تحت پندرہ ملین ڈالر کی فوری امداد کا وعدہ

پشاور (چترال ٹائمز رپورٹ) خیبرپختونخوا کے وزیر برائے ابتدائی و ثانوی تعلیم شہرام خان ترکئی نے محکمہ تعلیم کے اعلی سطح وفد کے ہمراہ عالمی بینک کی سینئر قیادت سے اسلام آباد میں ملاقات کی۔ملاقات میں حالیہ شدید سیلاب سے متاثرہ اضلاع کے سکولوں میں امدادی سرگرمیاں شروع کرنے اور متاثرہ اسکولوں کی بحالی کے حوالے سے لائحہ عمل طے کیا گیا۔ ورلڈ بینک کی ٹیم کی جانب سے HCIP پروجیکٹ کے تحت پندرہ ملین ڈالر کی فوری امداد سیلاب سے متاثرہ اضلاع کے سکولوں کے لیے جاری کرنے کا وعدہ کیا گیا۔ اس موقع پر وزیر تعلیم کے ہمراہ سیکرٹری ایجوکیشن، ہیومن کیپٹل انویسٹمنٹ پروگرام کی ٹیم اور محکمہ تعلیم کے کمیونیکیشن سپیشلسٹ بھی موجود تھے۔

 

صوبائی وزیر نے ورلڈ بینک کی ٹیم سے انفراسٹرکچر بلڈنگ کے حوالے سے خصوصی تعاون کی درخواست کی جس پر ورلڈ بینک کی ٹیم نے انتہائی حوصلہ افزا جواب دیا۔ اس موقع پر وزیر تعلیم کی جانب سے ایک اہم تجویز پیش کی گئی کہ محکمہ تعلیم ورلڈ بینک کے تعاون سے چلنے والے ہیومن کیپٹل انویسٹمنٹ پروگرام کے تحت محکمہ تعلیم کے سیکر ٹریٹ سے صوبہ بھر کے بچوں کے لیے آن لائن ڈیجیٹل کنٹنٹ اور ریکارڈڈ ویڈیو لیکچرز کا پروگرام شروع کرنا چاہتا ہے جو محکمہ تعلیم کے آفیشل یوٹیوب چینل، پوڈکاسٹ اور سوشل میڈیا پلیٹ فارمز کے ذریعے نشر کئے جائیں گے جس سے نہ صرف صوبہ بھر کے تمام سکولوں میں موجود بچے استفادہ حاصل کر سکیں گے بلکہ آؤٹ آف سکول چلڈرن بھی اس سہولت سے بھرپور انداز میں فائدہ حاصل کر سکیں گے۔ سیکرٹری تعلیم نے کہا کہ ہمیں اپنے تعلیمی نظام کو ماڈرن خطوط پر متعارف کرانا ہے جس کے لئے آن لائن میڈیا پلیٹ فارمز سے بھرپور فائدہ اٹھایا جائے گا۔ اس تجویز پر ورلڈ بینک کی ٹیم کی جانب سے اتفاق کیا گیا اور عنقریب محکمہ تعلیم کے ذمہ داران کے ساتھ میٹنگ میں آگے کا لائحہ عمل طے کرنے کا اعادہ بھی کیا گیا۔بعدازاں صوبائی وزیر نے بحالی اقدامات کو جلد از جلد شروع کرنے کے لئے متعلقہ افسران کو ہدایات بھی جاری کیں۔


شیئر کریں: