واپڈا کی غفلت کے نتیجے میں جان بحق ہونے والے بمبوریت کے دو نوجوانوں کے خاندانوں کو معاوضہ ادا کیا جائے یا ان خاندانوں کی کفالت کا انتظام کیا جائے۔عمایدین ایون
واپڈا کی غفلت کے نتیجے میں جان بحق ہونے والے بمبوریت کے دو نوجوانوں کے خاندانوں کو معاوضہ ادا کیا جائے یا ان خاندانوں کی کفالت کا انتظام کیا جائے۔عمایدین ایون
چترال ( نمائندہ چترال ٹایمز ) ویلج کونسل ایون ون ویلج کونسل ایون ٹو وی سی رمبور بمبوریت اور بریر کے عمائدین نے چیرمین واپڈا ،چیف منسٹر خیبر پختوخوا ، چیف انجینئر واپڈا سے پر زور مطالبہ کیا ہے کہ واپڈا کی غفلت کے نتیجے میں جان بحق ہونے والے بمبوریت کے دو نوجوانوں کے خاندانوں کو معاوضہ ادا کیا جائے یا ان خاندانوں کی کفالت کا انتظام کیا جائے جو ٹرانسمیشن لائن کی لٹکتی تاروں سے لگ کر جل گئے تھے ۔
چترال پریس کلب میں پیر کے روز ایک پرہجوم پریس کانفرنس سے خطاب کرتےہوئےسابق ممبر ڈسٹرکٹ کونسل عبدالمجید قریشی ، چیرمین ویلج کونسل ایون ون وجیہ الدین ، چیرمین ویلج کونسل ایون ٹو محمدرحمن ، چیرمین بمبوریت خلیل الرحمن و عمائدین عنایت اللہ اسیر ، سیدالدین نے کہا کہ 20 ستمبر کی رات چتر پل کے قریب واپڈا کے مین ٹرانسمیشن لائن کی لٹکتی تاروں سے ٹکرا کر عبدالرحیم اورعبدالباسط کی موت واقع ہوئی جس کےموقع پر موجود لوگ شاہدہیں۔یہ واقعہ واپڈاکی کھلی غفلت کےنتیجے میں پیش آیا ہے کیونکہ بار بار توجہ کے باوجود واپڈا کا مین ٹرانسمیشن لائن کے تار 10 فٹ سے بھی کم اونچائی پر لٹک رہے ہیں اور اس سے پہلے نھی کئی افراد اس کے نذر ہوچکےہیں۔
انہوں نے کہا کہ یہ سراسر واپڈا کی غفلت کا نتیجہ ہونے کی وجہ سے واپڈا کے زمہ داروں کے خلاف قتل بالسبب کا مضبوط کیس بنتا ہے لیکن مقامی پولیس واپڈاکے خلاف ایف آئی آردرج کرنے میں لیے ولعل سے کام لے رہا ہے جس کا پولیس کے اعلیٰ حکام کو نوٹس لینا چاہیے۔ انہوں نے کہا ۔کہ متاثرہ دونوں خاندان قابل رحم ہیں جن کے گھروں غ کمانے والا کوغاور نہیں رہا اور ان خاندانوں کی کفالت کیلئےواپڈا اور حکومت کی طرف سے مالی مدد انتہائی ضروری ہیں ۔ انہوں نے چیرمین وپڈا ، چیف منسٹر ، چیف انجینیر واپڈا ، ڈپٹی کمشنر چترال سے مطالبہ کیا ۔ کہ حکومت اور واپڈا ان متاثرین کیلئے اقدامات کرے ۔ تاکہ انہیں سپورٹ مل سکے ۔ بصورت دیگر شدید احتجاج کیا جائے گا ۔
