Chitral Times

Sep 28, 2022

ﺗﻔﺼﻴﻼﺕ

چترال کے سیلاب سے متاثرہ علاقوں تک میڈیکل ٹیمیں اور ادویات پہنچ چکی ہیں.ترجمان محکمہ صحت

Posted on
شیئر کریں:

صوبے کے سیلاب زدہ علاقوں میں محکمہ صحت کے زیر انتظام میڈیکل کیمپس کا قیام، چترال کے متاثرہ علاقوں تک میڈیکل ٹیمیں اور ادویات پہلے ہی پہنچ چکی ہیں، فوری طبی امدادی ٹیمیں موقع پر موجود، متاثرین کو ضروری ادویات کی فراہمی جاری: ترجمان محکمہ صحت

پشاور (چترال ٹائمز رپورٹ) محکمہ صحت سے جاری ہونے والے اعلامیہ کے مطابق صوبے کے سیلاب زدہ علاقوں میں آلودہ پانی سے جنم لینے والی بیماریوں کے تدارک اور متاثرین کو فوری طبی امداد مہیا کرنے کیلئے محکمہ صحت کے زیر انتظام میڈیکل کیمپس قائم کی گئی ہیں۔ چترال کے متاثرہ علاقوں تک میڈیکل ٹیمیں اور ادویات پہلے ہی پہنچ چکی ہیں، فوری طبی امداد یقینی بنانے کیلئے ٹیمیں موقع پر موجود ہیں۔ متاثرین کو ضروری ادویات کی فراہمی جاری ہے جبکہ سیلاب سے جنم لینے والی بیماریوں کے تدارک کے لئے خصوصی کیمپس کا انعقاد کیا جارہاہے۔

 

محکمہ صحت کے انٹی گریٹڈ ڈیزیز سرویلنس اینڈ رسپانس یونٹ کی جانب سے جاری ہونے والی رپورٹ کے مطابق رواں ہفتے 37 میڈیکل کیمپس لگائے گئے ہیں جن میں ہزاروں کی تعداد میں متاثرین کا علاج کیا گیا۔ ان میڈیکل کیمپس کے دوران چار ہزار سے زائد اسہال کے مریضوں کو ادویات و معالجے کی سہولیات دی گئیں۔ 15 سو سے زائد جلد کے مریضوں کا معائنہ اور علاج کیا گیا جبکہ آلودہ پانی سے جنم لینے والی بیماریوں کے علاج سمیت، مختلف ویکسین بھی فراہم کی گئیں۔


شیئر کریں: