Chitral Times

Oct 2, 2022

ﺗﻔﺼﻴﻼﺕ

شندور فیسٹول  کیلئےریلیز فنڈ کہاں خرچ ہویے؟ اخراجات پبلک کیے جائیں۔ جماعت اسلامی چترال 

Posted on
شیئر کریں:

شندور فیسٹول  کیلئےریلیز فنڈ کہاں خرچ ہویے،؟  اخراجات پبلک کیے جائیں۔ جماعت اسلامی چترال

چترال ( چترال ٹایمز رپورٹ ) جماعت اسلامی لویر چترال کے قیم ( جنرل سیکریٹری ) وجیہ الدین کے دفتر سےجاری ایک پریس ریلیز میں کہا گیا ہے کہ دنیا کے بلند ترین پولو میدان میں حصّہ لینے والے تمام ٹیموں خصوصاً چترال اے اور گلگت اے ٹیم کو بہترین کھیل کا مظاہرہ کرنے پہ دلی مبارکباد پیش کرتے ہیں۔

ہر کھیل کی طرح ہار جیت پولو کا بھی لازمی جز ہے۔ لہذا اِس سال کے فاتح(16 سال سے دفاعی چیمپئین رہنے والے) چترال اے ٹیم خصوصی مبارک باد کی مستحق ہے۔
امید ہے مستقبل میں بھی اسی پرفارمنس کو برقرار رکھتے ہوئے نوجوان کھلاڑی فتح کی روایت جاری رکھیں گے۔

ساتھ ساتھ ضلع چترال و گلگت بلتستان، سمیت پورے ملک اور بین الاقوامی مہمانوں کے بھی مشکور ہیں کہ اتنے دشوار گزار راستوں سے جان جوکھوں میں پڑ کر وہ یہاں تشریف لائے اور ہمارے علاقے کو رونق بخشا۔

پریس ریلیز میں مذید کہا گیا ہے کہ اس فیسٹیول کی تیاریوں اور بد انتظامیوں کے حوالے سے ہمیں واضح کیا جائے کہ ضلعی انتظامیہ نے وہ خطیر رقم آخر کہاں خرچ کیے جو اِس ایونٹ کے نام پہ آئے تھے۔افسران کی شاہ خرچیاں اور سیکیورٹی کے نام پر بھتہ جبکہ عوام الناس کے لیے انتظامات نہ ہونے کے برابر ۔ سیلاب میں پھسے ہزاروں لوگ اور سیاح اپر چترال انتظامیہ کی مدد کو ترستے رہے لیکن انتظامیہ کا کردار صرف تماشائی کا رہا۔ہمارا مطالبہ ہے کہ اس فیسٹیول کیلئےریلیز فنڈ اور اخراجات پبلک کیے جائیں تاکہ یہ معلوم ہوجائے کہ ہمارے پولو پلیر جو سال بھر اس ایونٹ کی تیاری کرتے ہیں اور وہ عام لوگ جو اس کھیل سے محبت رکھتے ہوئے دشوار گزار راستوں سے شندور پہنچتے ہیں وہ اس فنڈ سے کتنا استفادہ حاصل کرتے ہیں۔


شیئر کریں: