Chitral Times

Jul 6, 2022

ﺗﻔﺼﻴﻼﺕ

چترال شہر، گردونواح میں وقفے وقفے سے بارش کا سلسلہ جاری، مہڑپ اور شندور ٹا پ پر برفباری

شیئر کریں:

چترال شہر اور گردونواح میں وقفے وقفے سے بارش کا سلسلہ جاری ، بالایی علاقوں مہڑپ اور شندور ٹا پ پر برفباری

چترال ( نمایندہ چترال ٹایمز ) چترال شہر اور گردونواح میں گزشتہ رات سے وقفے وقفے سے بارش کا سلسلہ جاری ہے ۔ ٹھنڈی ٹھنڈی ہواؤں کے ساتھ بارش سے گرمی کا زور ٹوٹ گیا ہے  موسم  بھی خوشگوار ہ تاہم سردی میں اچانک اضافہ ہونے وجہ سے  شہری سردیوں کے گرم کپڑے اور کمبل دوبارہ سے نکال لیے ہیں۔ بالایی علاقوں او رپہاڑوں پر برفباری وقفے وقفے سے جاری ہے ، اپر چترال کے مہڑپ تورکہو ، بروغل اور شندور ٹاپ پر باری ہویی۔ برفباری سے مہڑپ تورکہو میں کھڑی فصلوں کو بھی نقصان پہنچا ہے

اُدھر دنیا کی بلندترین پولو گراونڈ شندور ٹاپ سے بھی برفباری کے اطلاعات ہیں ۔ جہاں گزشتہ رات تقریبا تین انچ تک برفباری ہویی ہے جبکہ وہاں یکم جولایی سے ضلعی انتظامیہ چترال تین روزہ پولوفیسٹول کا بھی انعقاد کررہی ہے ، ٹینٹ لگانے کے ساتھ سامان بھی پہنچا یی جارہی ہے ،

 

محکمہ موسمیات کے مطابق 22 جون، 2022 تک آندھی کے ساتھ موسلادھار بارشوں کی پیشگوئی کی گی ہے جس کے دوران اسلام آباد، خیبر پختونخوا (چترال، دیر، سوات، بونیر، شانگلہ، کوہستان، مانسہرہ، ایبٹ آباد، ہری پور، صوابی، پشاور، نوشہرہ، مردان، چارسدہ، باجوڑ، مہمند، خیبر، کرم، کوہاٹ، لکی مروت، بنوں، ڈیرہ اسماعیل خان، وزیرستان)، پنجاب (راولپنڈی، مری،گلیات، اٹک، چکوال، جہلم، میانوالی، سرگودھا، خوشاب، بھکر، لیہ، ڈی جی خان، حافظ آباد، فیصل آباد، منڈی بہاؤالدین، ٹوبہ ٹیک سنگھ، جھنگ، سیالکوٹ، نارووال، لاہور، شیخوپورہ، اوکاڑہ، قصور، ساہیوال، پاکپتن، بہاولنگر، ملتان)، کشمیر (بھمبر، کوٹلی، میرپور، پونچھ، باغ، حویلیاں، ہٹیاں، مظفرآباد، وادی نیلم) ،گلگت بلتستان (استور، غذر، گلگت، دیامیر، ہنزہ، اسکردو) اور شمال مشرقی بلوچستان (ژوب، شیرانی، موسیٰ خیل ،کوہلو،بارکھان) میں بیشترمقامات پر آندھی اورگرج چمک کے ساتھ بارش (کہیں کہیں موسلا دھار سے شدید موسلا دھاربارش ) کاامکان ہے ۔اس دوران چند مقامات پر ژالہ باری کی بھی توقع ہے

21 جون منگل (شام/رات) سے بدھ 22 جون 2022 کے دوران سکھر، لاڑکانہ، کشمور، شکارپور، جیکب آباد، شہید بینظیر آباد، دادو، جامشورو ،حیدرآباد، کراچی، ڈیرہ بگٹی، جعفرآباد، نصیر آباد، لسبیلہ اور خضدار میں آندھی /تیز ہواؤں اور گرج چمک کے ساتھ بارش کا امکان ہے

موسلادھار بارش کے باعث خیبر پختونحوا ،گلیات، کشمیر اور گلگت بلتستان میں لینڈ سلائیڈنگ ، ندی نالوں/دریاؤں میں طغیانی کا خدشہ ہے پشاور، مردان، نوشہرہ، اسلام آباد، راولپنڈی، سرگودھا، فیصل آباد، گوجرانوالہ اور لاہور کے نشیبی علاقے زیر آب آنے کا بھی خطرہ ہے آندھی /تیز ہواؤں کے باعث خیبر پختونحوا ، پنجاب، کشمیر اور گلگت بلتستان میں کمزور انفراسٹرکچرکو نقصان کا اندیشہ بھی ظاہر کیا گیا ہے ۔مسافر اور سیاح اس دوران زیادہ محتاط رہیں اور غیر ضروری سفر سے گریز کر یں۔اس سلسلے میں تمام متعلقہ اداروں کو الرٹ رہنے کی ہدایت کی گیی ہے ۔

chitraltimes shandur top snow fall 21 june 2022

chitraltimes melp torkhow snow 21 june 2022


شیئر کریں: