چترال پولیس کا جوان دوران ڈیوٹی شہید ،سرکاری اعزاز کے ساتھ سپردخاک
چترال پولیس کا جوان دوران ڈیوٹی شہید ، سرکاری اعزاز کے ساتھ سپرد خاک
چترال (نمائندہ چترال ٹائمز) گزشتہ رات ارسون گاوں لوئر چترال میں گشت کے دوران پولیس اہلکاروں پر کسی نامعلوم شرپسندوں نے فائرنگ کیا۔ جس کے نتیجے میں سپاہی ارباب الدین ولد اسلام الدین ساکنہ سین چترال زخمی ہوا بعد میں دروش ہسپتال پہنچانے پر زخموں کی تاپ نہ لاتے ہوۓ شہید ہوگیا۔ جس کا نمازِ جنازہ پریڈ گراؤنڈ چترال میں ادا کردی گئی ۔ نمازِ جنازہ میں کمانڈنٹ چترال ٹاسک فورس ، ایس پی انوسٹی گیشن خالد، فوجی اور پولیس افسران کے علاوہ مختلف مکاتب فکر نے کثیرتعداد میں شرکت کی ۔ نمازِ جنازہ شاہی خطیب مولانا خلیق الزماں نے پڑھائی ۔
بعد ازاں شہید ہونے والے LHc ارباب الدین کی تدفین پوری سرکاری اعزاز کیساتھ شہید کے آبائی گاؤں سین میں ادا کر دی گئی ۔ پولیس لائن میں چترال پولیس کے چاق وچوبند دستے نے شہید کو سلامی دی۔ ۔شہید کے قبر پر IGP کے پی کے ڈی آئی جی ملاکنڈ کی جانب سے پھول چڑھائے گئے ۔DPO لوئر چترال نے ورثاء سے بات چیت کرتے ہوئے محکمہ پولیس کی جانب سے شہید کے ورثاء سے ہر قسم کی تعاون کی یقین دہانی کی ۔