Chitral Times

Jul 6, 2022

ﺗﻔﺼﻴﻼﺕ

اپر چترال میں منتخب بلدیاتی نمائندوں کی حلف برداری کی تقریب

شیئر کریں:

اپر چترال میں منتخب بلدیاتی نمائندوں کی حلف برداری کی تقریب

اپر چترال (نمایندہ چترال ٹایمز ) اپر چترال میں ضلعی انتظامیہ اپر چترال اور تحصیل میونسپل انتظامیہ مستوج/موڑکہو/تورکہو کے زیر اہتمام نومنتخب چیرمین تحصیل کونسل،ویلج کونسل اور جنرل کونسلرز کی حلف برداری کی تقریب منعقد کی گئی۔

ڈپٹی کمشنر اپر چترال منظور احمد افریدی نے تحصیل کونسل مستوج اور موڑکہو/تورکہو کے نومنتخب چیرمین سے حلف لئے، شاہ عدنان اسسٹنٹ کمشنر مستوج نے ویلج کونسل کے چیرمین سے حلف لئے جبکہ ڈسٹرکٹ الیکشن کمشنر اپر چترال عرفان نے نومنتخب جنرل کونسلرز سے حلف لئے۔

بلدیاتی انتخابات فیس iiجو 31مارچ کو خیبرپختونخوا کے 18 اضلاع میں منعقد ہوئےتھے اس کے نتیجے میں منتخب تحصیل چیرمین،وی سی چیرمین،جنرل،یوتھ،کسان اور خواتین کونسلرز کی حلف برداری کی تقریب آج بونی میں منعقد ہوئی جس میں تحصیل چیرمین مستوج سردار حکیم،تحصیل چیرمین موڑکھؤ تورکھو میر جمشید الدین، 38 وی سی چیرمین،39وی سی کے جنرل،کسان،یوتھ اور خواتین کونسلرز نے شرکت کی۔ اس میں وی سی بروغل سے چیرمین کا ابھی تک فیصلہ نہیں ہوپایا ہے جہاں تمام کونسلرز بلا مقابلہ منتخب ہوئے تھے ۔

ڈپٹی کمشنر اپر چترال نے اپنے خطاب میں کہا کہ اپر چترال ایک نوزائیدہ ضلع ہے جس کی تعمیر و ترقی میں نومنتخب بلدیاتی اراکین کا کردار اہم ہے۔ ڈپٹی کمشنر اپر چترال نے مذید کہا کہ بیوروکریسی اور پولیٹیکل فیگرز دونوں مل کر کام کریں گے۔انہوں نے کہا کہ ویلج کونسل سطح پر فسیلیٹیشن ڈیسک قائم کیا گیا ہے۔
اس موقع پر تحصیل چیرمین مستوج سردار حکیم نے کہا کہ عوام جس تواقعات کے ساتھ ہمیں جس حیثیت سے بھی منتخب کیے ہیں ان کے تواقعات پر پورا اترنے کی ہرممکن کوشش کرینگے اور عوام کو مایوس نہیں کرینگے انہوں نے لائن ڈیپارٹمنٹ کے سربراہاں سے کہا کہ منتخب نمائیندوں کے ساتھ بہتر روابطہ رکھ کر عوام کی مشکلات میں کمی لانے کی کوشش کریں۔ تحصیل چیرمین موڑکھؤ تورکھو میر جمشید الدین نے کہا کہ بلدیاتی نمائیندوں کو با اثر اور خود مختار طریقے سے عوام کو خدمت کرنے کا موقعہ ملنا چاہیے اس مقصد کے حصول کے لیے جلد وزیر اعلی سے ملاقات کرکے اس بات کو یقینی بنانے کی کوشش کی جائیگی کہ عوام جس توقع سے بلدیاتی نمائندے منتخب کرچکے ہیں ان کے تواقعات کے مطابق ان کی خدمت ہو وہ تب ممکن ہوگا جب بلدیاتی نمائیندے ازاد اور خود مختار ہو۔ حلف برداری کی تقریب میں علاقے کے معززین کثیر تعداد میں شرکت کی۔

chitraltimes upper chitral lg candidates oath taking cermoney tehsil chairman upper1

 

chitraltimes upper chitral lg candidates oath taking cermoney qazi ihtisham

chitraltimes upper chitral lg candidates oath taking cermony1 chitraltimes upper chitral lg candidates oath taking cermoney2 chitraltimes upper chitral lg candidates oath taking cermoney1 chitraltimes upper chitral lg candidates oath taking cermoney

chitraltimes upper chitral lg candidates oath taking cermoney tehsil chairman upper5 chitraltimes upper chitral lg candidates oath taking cermoney tehsil chairman upper4 chitraltimes upper chitral lg candidates oath taking cermoney tehsil chairman upper2


شیئر کریں: