چترال بوائز سکاوٹس تنظیم بیچ ٹریننگ کیلئے ایبٹ آباد پہنچ گئی

ایبٹ آباد (نمائندہ چترال ٹایمز) ڈسٹرکٹ بوائے سکاوٹس سیکریٹری چترال فاروق اعظم کی قیادت میں چترال کی پندرہ لڑکوں پر مشتمل بوائز سکاوٹس تنظیم بیج کی ٹریننگ میں شرکت کیلئے ٹریننگ کیمپ ایبٹ آباد پہنچ چکے ہیں۔ جہاں بچوں کو زندگی گزارنے کی بنیادی اصول، ابتدائی طبی امداد، ماحول کی صفائی، قطب نما اورمذہب کے بارے میں سکھایا جائے گا۔ اس موقع پر سابق اسسٹنٹ کمشنر چترال ثقلین سلیم نے چترال کی بوائز سکاوٹس کے بچوں کو اپنے دفتر بلایا ان کی خاطر تواضع اور حوصلہ افزائی کی۔اس موقع پر ثقلین سلیم نے کہاکہ چترال کے لوگ انتہائی مہذب اورعظیم ہیں،وہاں کے عوام کی محبت ہم کبھی نہیں بولیں گے۔

حاجی فاروق اعظم نے چترال ٹائمز سے ٹیلی فونک گفتگو کرتے ہوئے ثقلین سلیم اسسٹنٹ کمشنر ایبٹ آباد اورانکی کی اہلیہ تانیہ اسسٹنٹ ٹو کمشنر  کاخصوصی شکریہ ادا کیا کہ وہ بچوں کو اپنے دفتر میں بلایا، خصوصی پروٹوکول اور توجہ دی اور بچوں کے ساتھ  انتہائی ہمدردی اور محبت کا اظہارکیا۔جوکہ چترال کے ساتھ انکی محبت کا منہ بولتا ثبوت ہے۔