Chitral Times

Oct 6, 2022

ﺗﻔﺼﻴﻼﺕ

عیدالفطر کے موقع پر زائد کرایہ وصولی کے خلاف اور گاڑیوں کی مصنوعی قلت پیدا کرنے والے ٹرانسپورٹرز کے خلاف آپریشن

Posted on
شیئر کریں:

عیدالفطر کے موقع پر زائد کرایہ وصولی کے خلاف اور گاڑیوں کی مصنوعی قلت پیدا کرنے والے ٹرانسپورٹرز کے خلاف آپریشن:
تمام بس اڈووں ٹرمینلز میں ریجنلز اور صوبائی ٹرانسپورٹ اتھارٹیز کے اہلکاروں اور ضلعی انتظامیہ ٹیموں کو تعینات کر دیاگیا ہے
تمام ڈپٹی کمشنر کے دفتروں میں اوور چارجنگ اور ٹرانسپورٹرز کے خلاف کنٹرول روم قائم کیے گئے ہیں۔ ڈائریکٹر ٹرانسپورٹ خیبرپختونخوا فہد اکرام قاضی

پشاور (چترال ٹائمز رپورٹ) چیف سیکرٹری خیبرپختونخوا کی ہدایات پر ڈائریکٹر ٹرانسپورٹ خیبرپختونخوا نے عیدالفطر آمد کے موقع پر زائد کرایہ وصولی کے خلاف اور گاڑیوں کی مصنوعی قلت پیدا کرنے والوں کے خلاف کریک ڈاؤن کا آغاز کرلیا گیاہے اور تمام بس ٹرمینلز، اڈووں میں ریجنلز اور صوبائی ٹرانسپورٹ اتھارٹیز کے اہلکاروں کو تعینات کر دیاگیاہے اور اس کے ساتھ ہی تمام اضلاع کے ڈپٹی کمشنر دفتروں میں کنٹرول روم بھی قائم کر لیے گئے ہیں تاکہ زائد کرایہ وصولی اور گاڑیوں کی مصنوعی قلت کو کنٹرول اور حتم کیا جا سکے۔ ڈائریکٹر ٹرانسپورٹ خیبرپختونخوا فہد اکرام قاضی کا کہنا تھا کہ تمام بس اڈووں میں کرایہ نامے آویزاں کیے گئے ہیں اور ساتھ ہی ریجنلز، صوبائی ٹرانسپورٹ اہلکاروں اور ضلعی انتظامیہ ٹیموں کو بس اڈووں میں تعینات کر دیا گیا ہے تاکہ عیدالفطر کے موقع پر مسافروں سے زائد کرایہ وصولی اور مسافر گاڑیوں کی مصنوعی قلت کو کنٹرول کیا جا سکے۔ انہوں نے کہا کہ تمام مسافروں سے درخواست ہے کہ بس اڈووں میں تعینات ٹیموں کو زائد کرایہ وصولی کی شکایت کریں تاکہ زائد کرایہ وصولی والے ٹرانسپورٹرز کے خلاف سخت ایکشن لیا جا سکے۔


شیئر کریں: