Chitral Times

Mar 29, 2024

ﺗﻔﺼﻴﻼﺕ

ملک بھر میں تمام قومی وصوبائی اسمبلیوں کی حلقہ بندیوں پر کام کاآغاز، حلقہ بندیوں کا کام بلاتعطل 3 اگست تک جاری رہے گا، الیکشن کمیشن

Posted on
شیئر کریں:

ملک بھر میں تمام قومی وصوبائی اسمبلیوں کی حلقہ بندیوں کا کام 11اپریل سے شروع کیا ہوا ہے،حلقہ بندیوں کا کام بلاتعطل 3 اگست تک جاری رہے گا، الیکشن کمیشن

اسلام آباد( چترال ٹایمزرپورٹ)الیکشن کمیشن آف پاکستان نے ملک بھر میں تمام قومی وصوبائی اسمبلیوں کی حلقہ بندیوں کا کام 11اپریل 2022 سے شروع کیا ہوا ہے اور بلاتعطل 3 اگست 2022 تک جاری رہے گا جبکہ حلقہ بندیوں کے شیڈول کے مطابق ملک بھر کی تمام قومی و صوبائی اسمبلیوں کی حلقہ بندیاں آئین و قانون کے مطابق مکمل ہو جائیں گی۔الیکشن کمیشن کے جاری کردہ حلقہ بندیوں کے شیڈول کے مطابق اس وقت چار وں صوبوں اور اسلام آباد کے لئے تشکیل کردہ حلقہ بندی کمیٹیوں کی ٹریننگ کا مرحلہ جاری ہے۔حلقہ بندیوں کے لئے نقشہ جات و دیگر ڈیٹا الیکشن کمیشن نے متعلقہ اداروں سے حاصل کر لیا ہے اورحلقہ بندی شیڈول کے مطابق حلقہ بندی کمیٹیاں ملک بھر کی قومی وصوبائی اسمبلیوں کیحلقہ جات کی ابتدائی حلقہ بندیوں کو 24مئی 2022 تک مکمل کر لیں گی۔اس کے بعد حلقہ بندیوں کی ابتدائی اشاعت 28مئی 2022 کوکر دی جائے گی۔ ابتدائی حلقہ بندیوں پر اپیلیں / اعتراضات 29مئی 2022 سے لیکر 28جون 2022 تک الیکشن کمیشن آف پاکستان سیکرٹریٹ اسلام آباد میں جمع کروائی جاسکیں گی۔الیکشن کمیشن تمام اپیلوں یا اعتراضات کی سماعت یکم جولائی 2022سے 30 جولائی2022 تک کرے گااور 3اگست 2022 کو ملک بھر میں تمام قومی و صوبائی اسمبلیوں کی حلقہ بندیوں کے کام کی تکمیل اور حتمی اشاعت ہو گی۔

 

 


شیئر کریں: