Chitral Times

Apr 16, 2024

ﺗﻔﺼﻴﻼﺕ

چترال  میں آزادانہ،منصفانہ اور شفاف الیکشن کے انعقاد کو ممکن بنانے پرتمام حکام کا شکریہ۔ الیکشن کمشنر 

شیئر کریں:

چترال  میں آزادانہ،منصفانہ اور شفاف الیکشن کے انعقاد کو ممکن بنانے پرتمام حکام کا شکریہ۔ ڈسٹرکٹ الیکشن کمشنر

چترال (نمائندہ چترال ٹایمز) ڈسٹرکٹ الیکشن کمیشنر لویر چترال فلک ناز نے بلدیاتی انتخابات کے فیز ٹو میں چترال میں آزادانہ،منصفانہ اور شفاف الیکشن کے انعقاد کو ممکن بنانے میں ہر ممکن مدد فراہم کرنے اور جانفشانی و مستعدی سے فرائض منصبی سرانجام دینے پر ڈی سی لویر چترال، چترال اور دروش کے اے سی صاحبان اور ان کے جملہ اسٹاف، لویر چترال کے کے ڈی پی او اور ان کے ماتحت اسٹاف کا شکریہ اداکیاہے۔ ایک پریس ریلیز میں انہوں نے کہا ہے کہ الیکشن کا کامیاب انعقاد ایک مشکل ٹاسک تھا جس میں خوش قسمتی سے انہیں ہر مرحلے پر تمام اسٹیک ہولڈرز کا بھرپور تعاون اور مدد حاصل رہا جن میں ڈسٹرکٹ ایڈمنسٹریشن سے لے کر پولیس تک اور سول سوسائٹی میں تمام سیاسی جماعتوں سے لے کر ووٹروں تک اور الیکشن ڈیوٹی پر مامور سرکاری ملازمین تک سب خصوصی شکریہ کا مستحق ہیں۔

انہوں نے مقامی میڈیا اور وکلاء برادری کے کردار کی بھی تعریف کرتے ہوئے کہا کہ اس جمہوری عمل کی کامیابی میں انہوں نے بھی کوئی دقیقہ فروگزاشت نہیں کیا۔انہوں نے یونیورسٹی آف چترال، کالجوں کے لیکچررز اور پروفیسر ز اورسکولوں کے ٹیچرز سمیت محکمہ صحت کا عملہ خصوصاً لیڈیز ہیلتھ ورکرز کا بھی شکریہ ادا کیا ہے جنہوں نے اس الیکشن کے انعقاد میں جانفشانی سے کام کیا۔ انہوں نے لویرچترال کے عوام کا بھی شکریہ ادا کیا جوکہ ذیادہ سے ذیادہ تعداد میں اپنے حق رائے دہی کا استعمال کیا اور دوسرے اضلاع کے مقابلے میں ٹرن آوٹ کو بڑہا کر 60 فیصد تک پہنچادیا۔

 


شیئر کریں:
Posted in تازہ ترین, چترال خبریںTagged
60001