چترال میں پر آمن پولنگ جاری،اکثر پولنگ اسٹیشنوں میں ووٹروں کا انتہائی رش 

چترال میں پر آمن پولنگ جاری،اکثر پولنگ اسٹیشنوں میں ووٹروں کا انتہائی رش

چترال( نمایندہ چترال ٹایمز ) چترال کے طول وعرض میں بلدیاتی الیکشن کے سلسلے میں پرآمن پولنگ جاری ہے ، پولنگ اسٹیشنوں میں ووٹروں میں انتہائی جوش و خروش پایاجاتا ہے، چترال شہر کے پولنگ اسٹیشنوں میں مردو خواتین ووٹروں کا انتہائی رش دیکھنے کو مل رہا ہے ، اکثر پولنگ اسٹیشنوں میں اسٹاف اور بوتھ کی کمی کا سامنا ہے ، چترال شہر کے اندر پولنگ اسٹیشنوں میں ٹرن آوٹ انتہائی کم ہے ۔ صبح گیارہ بجے تک مرد وخواتین پولنگ بوتھس میں 80 سے 200 مردوخواتین ووٹ دے چکے ہیں۔ووٹرزچترال شہر کے اندر پولنگ بوتھ کی تعداد بڑھانے کا مطالبہ کیا ہے ۔
ضلعی انتظامیہ کے افسران ، چترال پولیس ، لیویز اور ریسکیو و دیگر اداروں کے اہلکار پولنگ اسٹیشنوںپر موجود ہیں۔ اسسٹنٹ کمشنر چترال ثقلین سلیم نے چترال کے مختلف اسٹیشنوں کا دورہ کیا، مختلف پولنگ اسٹیشنز میں ریسکیو1122 کی میڈیکل ٹیمیں بمع ایمبولینس تعینات کیا گیاہے، بلدیاتی انتخابات کے سلسلے ریسکیو1122 کے جوانوں کی چھٹیاں منسوخ کی گئی ہیں۔پولنگ کا سلسلہ شام پانچ بجے تک جاری رہیگا۔