Chitral Times

Mar 28, 2024

ﺗﻔﺼﻴﻼﺕ

وزیر اعلیِ نے بی آر ٹی پشاور کی مذید پانچ فیڈر روٹس کی منظوری دیدی 

شیئر کریں:

وزیر اعلیِ نے بی آر ٹی پشاور کی مذید پانچ فیڈر روٹس کی منظوری دیدی

پشاور (چترال ٹایمز رپورٹ) وزیر اعلیٰ خیبر پختونخوا محمود خان نے بی آر ٹی پشاور کی افادیت اور عوامی مطالبے کے پیش نظر بی آر ٹی کے مزید پانچ فیڈر روٹس کی منظوری دیدی ہے جبکہ ان روٹس کے لئے 86 نئی بسوں کی خریداری کے لئے آرڈرز بھی جاری کر دئیے گئے ہیں۔ یہ منظوری انہوں نے پیر کے روز خیبرپختونخوااربن موبیلٹی اتھارٹی کے بورڈ آف ڈائریکٹرز کے13ویں اجلاس کی صدارت کرتے ہوئے دی۔ صوبائی کابینہ اراکین تیمور سلیم جھگڑا، شاہ محمد وزیر، بیرسٹر محمد علی سیف ، ایڈیشنل چیف سیکرٹری شہاب علی شاہ، وزیراعلیٰ کے پرنسپل سیکرٹری امجد علی خان، متعلقہ محکموں کے انتظامی سیکرٹریز کے علاوہ دیگر بورڈ اراکین نے اجلاس میں شرکت کی۔نو منظور شدہ فیڈر روٹس میں ساڑھے سات کلومیٹر حیات آباد فیز ون، بارہ کلومیٹر ریگی ماڈل ٹاو ن ناصر باغ روڈ،سات کلومیٹر ورسک روڈ، چار کلومیٹر خیبرروڈاور پندرہ کلومیٹر چمکنی تا پبی روڈشامل ہیں۔

اجلاس میں زو بائی سائیکل کے استعمال کو فروغ دینے کے لئے زو بائی سائیکل کی سکیورٹی فیس تین ہزار روپے سے کم کرکے ایک ہزار روپے کرنے کا فیصلہ کیا گیا جبکہ زو بائی سائیکل کے کرائیوں میں بھی کمی کی اصولی منظوری دی گئی۔ وزیراعلیٰ نے اس موقع پر متعلقہ حکام کو ہدایت کی ہے کہ رواں سال جون تک بی آ ر ٹی کے تمام فیڈر روٹس کو فعال بنانے کے لئے ضروری اقدامات اٹھائے جائیں اور تمام متعلقہ ادارے اس سلسلے میں اپنی ذمہ داریاں بر وقت پوری کریں۔ اس موقع پر وزیراعلیٰ نے گفتگو کرتے ہوئے کہا کہ صوبائی حکومت شہریوں کو زیادہ سے زیادہ سہولیات کی فراہمی کے لئے کوشاں ہے اور وقت کے ساتھ ساتھ بی آر ٹی کو مزید علاقوں تک توسیع دی جائی گی تاکہ پشاور اور اس کے ملحقہ علاقوں کو بی آرٹی کے ذریعے کنکٹ کیا جائے اور لوگوں کو آمد ورفت کی بہترین سہولیات کی فراہمی کو یقینی بنایا جائے۔ انہوں نے کہا کہ شہر میں ماحولیاتی آلودگی کو کم کرنے کے لئے بی آر ٹی کی مزید علاقوں تک توسیع ضروری ہے اور صوبائی حکومت اس مقصد کے لئے درکار مالی وسائل ترجیحی بنیادوں پر فراہم کرے گی۔ وزیراعلیٰ کا کہنا تھا کہ بی آر ٹی پبلک ٹرانسپورٹ کا ایک بہترین منصوبہ ہے اور اس کا زیادہ سے زیادہ فائدہ شہریوں کو پہنچایا جائے گا۔

 

 

chitraltimes chief minister kpk mahmood khan and other ministers chairing pti parlimamentary meeting

پی ٹی آیی پارلیمانی پارٹی کا اجلاس، عمران خان اوروزیراعلی محمود خان پر مکمل اعتماد کا اظہار

پشاور ( چترال ٹایمزرپورٹ ) خیبر پختونخوا اسمبلی میں پاکستان تحریک انصاف کی پارلیمانی پارٹی کا اجلاس پیر کے روز وزیر اعلی خیبر پختونخوا محمود خان کی زیر صدارت منعقد ہوا جس میں ڈپٹی اسپیکر صوبائی اسمبلی محمود جان سمیت پی ٹی آئی سے تعلق رکھنے والے تمام ممبران صوبائی اسمبلی اور صوبائی وزراءنے شرکت کی۔ اجلاس میں اسمبلی اجلاسوں سے متعلق معاملات اور موجودہ سیاسی صورتحال پر تبادلہ خیال کیا گیا۔ اس موقع پر اظہار خیال کرتے ہوئے اجلاس کے شرکاءنے وزیر اعظم عمران خان اور وزیر اعلیٰ محمود خان کی قیادت پر بھر پور اعتماد کا اظہار کرتے ہوئے کہا کہ وزیر اعلی محمود خان کی قیادت میں پی ٹی آئی کی پارلیمانی پارٹی مکمل طور پر متحد ہے اور کوئی مائی کا لال صوبے میں پی ٹی آئی کے ممبران اسمبلی میں رخنہ نہیں ڈال سکتا۔ انہوں نے کہا کہ پی ٹی آئی کے ممبران صوبائی اسمبلی عمران خان کے سپاہی ہیں اور وہ صوبے میں پاکستان تحریک انصاف کی حکومت کے خلاف کسی بھی سازش کو کامیاب نہیں ہونے دیں گے۔ وزیر اعلی نے اراکین اسمبلی اور وزراءپر زور دیا کہ وہ اسمبلی کے اجلاسوں میں اپنی حاضری کو یقینی بنائیں اور اسمبلی کی کاروائیوں میں بھر پور حصہ لیں۔ دریں اثناءوزیر اعلی نے اسمبلی کے اجلاس میں شرکت کے دوران سابقہ قبائلی اضلاع کے پراجیکٹ ملازمین کی مستقلی سے متعلق بل پر اظہار خیال کرتے ہوئے کہا کہ صوبائی حکومت نے سابقہ قبائلی اضلاع کے تمام پراجیکٹ ملازمین کو مستقل کرنے کا جو وعدہ کیا تھا وہ پورا کر دیا گیا ہے اور اب تک کم و بیش چار ہزار ملازمین کو مستقل کردیا گیا ہے جبکہ باقی ماندہ ملازمین کو بھی مستقل کرنے کے لئے اقدامات کئے جارہے ہیں۔


شیئر کریں: