الیکشن ضابطہ اخلاق کی خلاف ورزی پر معاون خصوصی وزیرزادہ کو ڈسٹرکٹ مانیٹرنگ آفیسرنے طلب کرلیا
چترال ( نمایندہ چترال ٹایمز ) الیکشن کمیشن آف پاکستان کے ترمیم شدہ ضابطہ اخلاق کی مبینہ خلاف ورزی پر ڈسٹرکٹ مانیٹرنگ آفیسر لوئر چترال نے وزیر آعلی خیبر پختونخوا کے معاون خصوصی وزیر زادہ کو 18 مارچ کو ڈسٹرکٹ الیکشن آفس میں پیش ہونے کا نوٹس جاری کردیا ہے ۔ مذکورہ نوٹس عوامی عہدیدار کے الیکشن کمپین میں حصہ لینے کی پابندی کی خلاف ورزی کے تناظر میں جاری کیا گیا۔اس بات کی تصدیق ایڈیشنل اسسٹنٹ کمشنر چترال لویر حفیظ اللہ نے کی ہے ۔