Chitral Times

Sep 26, 2022

ﺗﻔﺼﻴﻼﺕ

خیبر پختونخوا کے وزیر خزانہ تیمور سلیم جھگڑا کا سرکاری ملازمین کیلئے بڑا اعلان

Posted on
شیئر کریں:

وفاقی حکومت کی طرز پر صوبے کے سرکاری ملازمین کو 15% فیصد ڈسپیریٹی ریڈکشن الاو نس دینے کا فیصلہ

پشاور (چترال ٹائمز رپورٹ) خیبر پختونخوا کے وزیر خزانہ تیمور سلیم جھگڑا نے سرکاری ملازمین کیلئے بڑا اعلان کرتے ہوئے وفاقی حکومت کی طرز پر صوبے کے سرکاری ملازمین کو15% فیصد ڈسپیریٹی ریڈکشن الاو نس دینے کا فیصلہ کیا ہے اس سلسلے میں وزیر خزانہ نے اپنے ایک ویڈیو پیغام میں کہا ہے کہ وفاقی حکومت کی طرز پر صوبے کے سرکاری ملازمین کیلئے 15% فیصد ڈسپیریٹی ریڈکشن الاونس دیا جائے گا۔ وزیراعلی محمود خان کی ہدایت پر سرکاری ملازمین کو یہ پیکج دیا جارہا ہے۔ ویڈیو پیغام میں وزیر خزانہ کا کہنا تھا کہ الاونس ان سرکاری ملازمین کی تنخواہوں پر لاگو ہوگا جو پہلے سے اس طرح کا کوئی الاونس نہیں لے رہے۔ محکمہ خزانہ اس پر جلد سے جلد فائل ورک مکمل کرکے وزیراعلی کے پاس منظوری کیلئے بھیجیں گے۔ ان کے مطابق الاونس کا اطلاق مارچ کی تنخواہوں سے شروع ہوگا۔ انھوں نے کہا کہ موجودہ حکومت سرکاری ملازمین کے ساتھ ساتھ ہر طبقہ فکر کے فلاح و بہبود کے لیے عملی اقدامات اٹھا رہی ہے وزیر خزانہ نے تمامسرکاری ملازمین کے تمام یونینز کا شکریہ کہ انہوں نے بات چیت کا راستہ اپنایا۔ انھوں نے کہا کہ ہماری حکومت نے پچھلے سال بھی تنخواہوں 37 % کا ریکارڈ اضافہ کیا تھا۔ انہوں نے کہا کہ سرکاری ملازمین اور ان کی نمائندہ یونینز کا پنشن اصلاحات کی حمایت پر تہہ دل سے مشکور ہوں۔


شیئر کریں: