ویلج کونسل شیاقوٹیک سے جنرل کونسلر کے امیدوار میر عزیز پی ٹی آیی کے فخر آعظم کے حق میں دست بردار
چترال ( محکم الدین ) ویلج کونسل شیاقوٹیک پنجی کوٹی سے جنرل کونسلر کے امیدوار میر عزیز خان پاکستان تحریک انصاف کے جنرل کونسلر فخر آعظم کے حق میں دست بردار ہو گئےہیں ۔ اس حوالے سے منعقدہ ایک مختصر تقریب میں میر عزیز خان نے جنرل کونسلر کی نشست سے دستبرداری کا اعلان کیا ۔ اور پاکستان تحریک انصاف میں بھی شمولیت اختیار کی ۔ اور کہا ۔ کہ وہ فخر اعظم کی علاقےکیلئے خدمات کے پیش نظر اس کے حق میں دستبردار ہو رہا ہے ۔ تاکہ اسے علاقے کیلئے مزید کام کرنے کاموقع مل سکے ۔ انہوں نے کہا ۔ کہ وہ فخر اعظم کی کامیابی کیلئے ہر ممکن کوشش کریں گے ۔ فخر اعظم نے پی ٹی آئی میں شمولیت پر ان کو پھولوں کا ہار اور پارٹی ٹوپی پہنایا ۔ میر عزیز خان اس سے پہلے بھی بلدیاتی انتخابات میں 770 ووٹ لے کر کسان سیٹ پر کامیاب ہوئے تھے ۔ اور ان کے حامیوں و سپورٹروں کا ایک وسیع حلقہ موجود ہے ۔ اس موقع پر اپنی حمایت میں جنرل کونسلر کی نشست سے دستبرداری اور پاکستان تحریک انصاف میں شمولیت پر امیدوار فخر ا عظم نے میر عزیز خان کا شکریہ ادا کیا ۔ اورکہا ۔ کہ انتخابی حلقے میں ان کو بہت بڑی سپورٹ مل گئی ہے ۔ فخر اعظم بلدیاتی انتخابات میں جنرل کونسلر کی نشست کیلئے حصہ لینے والے پہلے امیدوار ہیں ۔ اس حلقے سے9 امیدوار جنرل کونسلر کی سیٹ کیلئے میدان میں اترے تھے ۔ لیکن چار امیدواروں کی دستبرداری کے بعد تعداد پانچ رہ گئی ہے ۔
