Chitral Times

May 28, 2024

ﺗﻔﺼﻴﻼﺕ

آئندہ ہفتہ کے دوران بارش اور برفباری کی پیشگوئی،متعلقہ اداروں کو الرٹ رہنے کی ہدایت

شیئر کریں:

اسلام آباد ( چترال ٹائمز رپورٹ ) محکمہ موسمیات کے مطا بق ہلکی سے درمیانی بارشوں کا سلسلہ ملک کے مغربی اور بالائی علاقوں میں منگل کے روزداخل ہو گا جو کہ جمعرات تک بالائی علاقوں میں موجود رہے گا۔ جس کے باعث منگل اور بدھ کے دوران کوئٹہ، زیارت، پشین، ژوب، قلعہ عبداللہ، کوہلواوربارکھان میں بارش/ برفباری کی پیشگوئی ہے۔


منگل سے جمعرات کی صبح تک کشمیر، گلگت بلتستان،اسلام آباد،چترال، دیر،کالام، سوات، مالاکنڈ، کوہستان، شانگلہ، بونیر، مانسہرہ، ایبٹ آباد، ہری پور، صوابی، مردان، نوشہرہ، پشاور، چارسدہ، باجوڑ، کرم ،وزیرستان، کوہاٹ،بنوں،ڈی آئی خان، راولپنڈی، اٹک، چکوال، جہلم،منڈی بہاؤالدین، سرگودھا، خوشاب، میانوالی، حافظ آباد، گوجرانوالہ، گجرات، سیالکوٹ، نارووال، لاہوراورقصور میں ہلکی سے درمیانی بارش اور پہاڑوں پر برفباری کا امکان ہے۔


منگل رات سےجمعرات کے دوران مری، گلیات،نتھیا گلی،کاغان،ناران،چترال، دیر،سوات،کوہستان،استور،ہنزہ،گلگت،وادی نیلم،باغ اور ہویلی کے اضلاع میں ہلکی سے درمیانی برفباری کا امکان ہے


بارشوں کے نتیجے میں منگل اور بدھ کو دیر،مالاکنڈ،ہزارہ،سوات،کوہستان،گلگت بلتستان اورکشمیر میں لینڈ سلائیڈنگ کا خطرہ ہے
جبکہ حالیہ شدید دھند میں کمی کا امکان ہے ۔ تمام متعلقہ اداروں کو الرٹ رہنے کی ہدایت کی گئی ہے ۔

weather update 14jan


شیئر کریں:
Posted in تازہ ترین, جنرل خبریں, چترال خبریںTagged
57392