Chitral Times

Jan 24, 2022

ﺗﻔﺼﻴﻼﺕ

دبئی ایکسپو، سیاحت میں سرمایہ کاری کیلئے چار مفاہمتی یاداشت پر دستخط

شیئر کریں:

سیاحتی کانفرنس میں انٹیگریٹڈ ٹورازم زونز، صوابی ہنڈ میں واٹر سپورٹس میں سرمایہ کاروں کی دلچسپی، 16 جنوری کو خیبرپختونخوا سرمایہ کاری کانفرنس میں مختلف پراجیکٹس پر مقاہمتی یاداشت پر دستخط ہونگے
خیبرپختونخوا حکومت کے ون ونڈو وژن کے تحت پبلک پرائیویٹ پارٹنر شپ کے ذریعے

سرماریہ کاری کیلئے ماحول فراہم کررہے ہیں، صوبہ میں سرمایہ کاری ماحول دوستانہ ہے، سیکرٹری محکمہ سیاحت عامر سلطان ترین


دبئی(چترال ٹائمز رپورٹ)سیکرٹری محکمہ سیاحت، ثقافت، کھیل، آثارقدیمہ، میوزیم و امورنوجوانان خیبرپختونخواعامر سلطان ترین نے کہاہے کہ سرمایہ کاروں کیلئے خیبرپختونخوا میں سیاحت کے شعبے میں مواقع موجود ہیں۔دبئی سیاحتی کانفرنس میں پبلک پرائیویٹ پارٹنر شپ کے تحت بین الاقوامی اور دبئی میں موجود سرمایہ کاروں کو پراجیکٹس پیش کئے ہیں اور آج بہت ہی کامیاب کانفرنس رہی۔ خیبرپختونخوا میں سرمایہ کاری کیلئے ماحول دوستانہ ہے۔ چار مختلف پراجیکٹس پر مفاہمتی یاداشت پر دستخط ہوئے ہیں جبکہ اس کے علاوہ سات سے آٹھ مختلف سرمایہ کاروں نے بھی اپنی دلچسپی پیش کی ہے جیسے ہم مزید 16 جنوری کو خیبرپختونخوا سرمایہ کاری کانفرنس میں مفاہمتی یاداشت پر دستخط کرینگے۔

chitraltimes dubai expo KPCTA 1

ان خیالات کااظہار انہوں نے دبئی ایکسپو میں منعقدہ سیاحتی ہفتے کے پہلے روز ٹوورازم سرمایہ کانفرنس کے موقع پر تقریب سے خطاب کرتے ہوئے کیا۔ اس موقع پر ڈائریکٹر جنرل خیبرپختونخوا کلچراینڈٹورازم اتھارٹی کیپٹن (ر) کامران احمد آفریدی،ڈائریکٹر جنرل ٹریڈ ڈیویلپمنٹ اتھارٹی آف پاکستان رضوان طارق، سی ای او خیبرپختونخوا بورڈ آف انویسٹمنٹ حسان داؤد بٹ،پاکستان بزنس کونسل کے صدر سید قیصرانیس، پختونخوا بزنس اینڈ ویلفیئر کے صدر زبیر خان، پراجیکٹ ڈائریکٹر ورلڈ بینک پراجیکٹ کائیٹ توصیف خالد، ڈائریکٹر آرکیالوجی خیبرپختونخوا ڈاکٹر عبدالصمد، الماسا گروپ، سمارا گروپ آف کمپنیز، جنت اینڈ آر جے گروپ آف دبئی، مزایا گروپ سمیت مختلف سرمایہ کاری فرمز شریک تھیں۔ سیکرٹری محکمہ سیاحت عامر سلطان لطیف نے کانفرنس میں موجود شرکاء کو صوبہ خیبرپختونخوا میں سیاحت، ثقافت، آثارقدیمہ اور انٹیگریٹڈ ٹورازم زونز سے متعلق تفصیلی بریفنگ دی۔

chitraltimes dubai expo KPCTA 2

انہوں نے کہاکہ انٹیگریٹڈ ٹورازم زونز میں سرمایہ کاروں کو ون ونڈو سہولیات فراہم کی جائے گی جس میں زمین حکومت فراہم کریگی جبکہ حکومت کا اصل وژن پبلک پرائیویٹ پارٹنر شپ کے تحت صوبے میں سرمایہ کاری کرنا ہے۔ ڈائریکٹر جنرل خیبرپختونخوا کلچر اینڈ ٹورازم اتھارٹی کیپٹن (ر) کامران احمد آفریدی نے گفتگو کرتے ہوئے کہاکہ ون ونڈوآپریشن خیبرپختونخوا کلچر اینڈٹورازم اتھارٹی کے زیر نگرانی بنایا گیاہے اور اسے خیبرپختونخوا حکومت نے حقیقی معنوں میں لاگو کیاہے جس میں سرمایہ کاروں کو خیبرپختونخوا میں سیاحت کے شعبے میں سرمایہ کاری کے دوران کسی دوسرے مسائل کا سامنا نہیں کرنا پڑے گا۔ زمین، جنگلات، بجلی و گیس کسی قسم کی مشکلات کا سامنا نہیں کرنا پڑے گا ہماری کوشش ہے کہ ایکو ٹوورازم کے تحت سرسبز ماحول میں سیاحوں کو بہترین انفراسٹرکچر فراہم کرنا ہے۔

کانفرنس میں سمارا گروپ نے انٹیگریٹڈ ٹورازم زون منکیال سوات، الماسا گروپ نے انٹیگریٹڈ ٹورازم زون ٹھنڈیانی ایبٹ آباد، جنت گروپ نے ہنڈ صوابی میں واٹر تھیم پارک، مزایا گروپ(ای جی آئی)نے انٹیگریٹڈ ٹورازم زون گنول وادی مانسہرہ میں سرمایہ کاری کیلئے دلچسپی کا اظہار کرتے ہوئے مفاہمتی خطوط پر دستخط کئے۔ ان کی باقاعدہ مفاہمتی یاداشت پر دستخط 16 جنوری کو خیبرپختونخوا سرمایہ کاری کانفرنس میں کیا جائے گا۔ سی ای او خیبرپختونخوا بورڈآف انویسٹمنٹ حسان داؤد بٹ نے کہاکہ آثارقدیمہ کا ٹریل ڈائریکٹر آرکیالوجی ڈاکٹر عبدالصمد نے بہترین انداز میں پیش کیا۔ صوبہ خیبرپختونخوا میں سیاحت کے شعبے میں سرمایہ کاری کا بہترین موقع ہے جہاں سرمایہ کاری کرکے بہترین آمدن حاصل کی جاسکتی ہے۔ ہم نے وہ پراجیکٹس پیش کئے جن کی فزیبلٹی سٹڈی مکمل تھی اوریہ سرمایہ کاری کیلئے تیار پراجیکٹس ہیں۔

chitraltimes dubai expo KPCTA 4

شیئر کریں: