معروف سماجی وسیاسی شخصیت قاری فیض اللہ چترالی کی طرف سے چترال جیل میں گرم لباس تقسیم
چترال ( نمائندہ چترال ٹائمز ) چترال سینٹرل جیل کے قیدیوں میں معروف مذہبی و سماجی شخصیت قاری فیض اللہ چترالی کی طرف سے گرم لباس تقسیم کئے گئے جس میں سوئیٹر،کوٹ اور ٹراؤزر شامل تھے قاری کے معتمد خاص مولانا خلیق الزمان خطیب شاہی مسجد چترال نے از خود جیل جاکر سپریڈنٹ جیل کی نگرانی میں قیدیوں اور جیل اسٹاف میں یہ گرم لباس تقسیم کئے۔ خطیب کا کہنا تھا بے شک یہ لوگ کسی جرم کی پاداش میں پس زندان ہیں لیکن بحیثیت انسان اور مسلمان ہمارے تعاون کے مستحق ہیں اس حوالے سے جس قسم کا تعاون ہم سے ہو سکے ان کے ساتھ کرنا چائیے ۔
اس موقع پر قیدیوں نے گرم پانی کی دستیابی کا مطالبہ کیا توخطیب نے قاری فیض اللہ کی طرف سے ان کیلئے گیزر لگانے کا بھی وعدہ کیا۔