جامعہ چترال کی اکیڈیمک کونسل کاپہلااجلاس، ڈگری ڈیزائن کی منظوری ودیگراہم فیصلےکئے گئے
چترال ( چترال ٹائمز رپورٹ ) یونیورسٹی آف چترال کے اکیڈیمک کونسل کا پہلا اجلاس جمعہ کے دن وائس چانسلر پروفیسر ڈاکٹر ظاہرشاہ کی زیرصدارت منعقد ہوا۔ اجلاس میں یونیورسٹی کے تمام شعبہ جات کے ہیڈ کے علاوہ ، انتظامی افسران اور ملحقہ کالجز کے نامزد پرنسپلزنے شرکت کی۔ اجلاس میں یونیورسٹی کےتمام شعبہ جات کے بورڈ آف سٹڈیز کے منٹس کی منظوری دیدی گئی۔
اجلاس میں جن اہم امور کے بارے میں فیصلے کئے گے ان میں گریجویٹس کےسالانہ داخلے،ایڈمیشن پالیسی، سمٹر رولز، ایگزامینشن رولز کے ساتھ ساتھ دوسرے اکیڈیمک امور شامل تھے۔ کونسل نے یونیورسٹی آف چترال کی ڈگری ڈیزائن کی بھی باضابطہ منطوری دیدی جس سے بہت جلد طلبہ طالبات اپنی ڈگریاں حاصل کرسکیں گے۔ وائس چانسلر نے تمام شرکا کا شکریہ ادا کیا اور اس امید کا اظہار کیا کہ کونسل آئندہ بھی یونیورسٹی میں تعلیم کے معیار کو بہتر بنانے میں اپنا کردار اداکرتا رہیگا۔
