Chitral Times

Mar 28, 2024

ﺗﻔﺼﻴﻼﺕ

طرحی کلام – ثناءاللہ ثناٸی تریچ زوندرانگرام

شیئر کریں:

ارزو   ارمان   دی  ہونی   سف  مہ راٸگان  تہ دیہا

کوری   اسیتام    اوا   کوس و  کیہ زیان تہ    دیہا

ای    فقیر ستو   اوا   تان  سورو  کی  لش لڑیمان

متین   وا  کا     کورویان  تہ   ہتے  مہران تہ دیہا

بر     ناحق    مسورا     دی   ظلمو  انتہا     ارینی 

انگار     خیشی    الیتام   اوا   تے  لووان  تہ دیہا

تہ   بچین  ہانی بیتاب چھوچھی یی نیسک برابر

بلینجی  پھار   نزیران یور دی تن شخران تہ دیہا

نسو   دریاہن    شھیلی     موژا  ای   جنتو  منظر

نیسین   واحشتو   عالم  متین   سریران تہ   دیہا

تہ اچہ پھیشنگ بیتی   ایتو  دیاٶ  ژیرعیکو  اواز

کورینین     کارا    دویان  اواز بوٸکران   تہ  دیہا

تو  اہٸی روپھیکو واختہ توتیرو چوڑی بہچونیان

کوڑو  دی تپول کونیان دیتی تان ورازنان تہ دیہا

و  تتے   کیچہ   سریر   پھیک  بتی انگار تو لوڑے 

دیتی    اشپیرا     ثنو    ارینی   دفن  تہ      دیہا


شیئر کریں: