Chitral Times

Nov 27, 2021

ﺗﻔﺼﻴﻼﺕ

خسرہ اور روبیلا سے بچاؤ کی مہم 15 نومبر سے شروع ہوگی، مہم کا افتتاح خطیب مولانا خلیق الزمان نے کیا

شیئر کریں:

خسرہ اور روبیلا سے بچاؤ کی مہم 15 نومبر سے شروع ہوگی، مہم کا افتتاح خطیب مولانا خلیق الزمان نے کیا

چترال (نمائندہ چترال ٹائمز) صوبے کے دیگر علاقوں کی طرح چترال لوئر میں بھی خسرہ اور روبیلا سے بچاؤ کی مہم 15 نومبر سے باقاعدہ طور پر شروع ہوگی۔مہم کا افتتاح شاہی خطیب چترال مولانا خلیق الزمان نے کیا۔ 15 سے 27 نومبر تک چترال لوئر میں ایک لاکھ بیس ہزار بچے جنکی عمریں 9 ماہ سے 15 سال تک ہیں کو خسرہ اور روبیلہ سے بچاؤ کے ٹیکے لگائے جائینگے۔ چلڈرن اینڈ گائنی ہسپتال جنگ بازار چترال میں مہم کے حوالے سے آگاہی پروگرام کا انعقاد کیا گیا تھا جس میں ڈی ایچ او ڈاکٹر حیدرالملک، ای پی آئی کوارڈنٹرڈاکٹر فرمان نظار، ڈبلیو ایچ او کی طرف سے نمائندہ ڈاکٹر سلیم سیف اللہ خان، چلڈرن سپیشلسٹ ڈاکٹر گلزار احمدکے علاوہ ڈاکٹرز، نرسز، انتظامیہ کے نمائندگان ودیگر نے بھی شرکت کی۔

ڈاکٹر فرمان نظار نے اس موقع پر بتایا کہ کہ اس مہم میں فکسڈ اور موبائل ہیلتھ ٹیمیں محلے محلے، سکولوں میں جاکر بچوں کو ٹیکے لگائینگی۔ انھوں نے بتایا کہ اس مہم کے دوران بچوں کو پولیو سے بچاو کے قطرے بھی پلوائے جائیں گے۔ اس حوالے سے انہوں نے خطیب اور جید علماء سے درخواست کی کہ اس مہم کی آگاہی گھر گھر پہنچنی چاہئیے تاکہ کوئی بھی بچہ حفاظتی ٹیکے سے رہ نہ جائے انہوں نے تمام شرکاء اور عوام سے اپیل کی اس مہم کو کامیاب بنانے کیلئے پوری توانائیاں صرف کریں تاکہ اپنے بچوں کو روبیلا اور خسرہ جیسی خطرناک بیماریوں سے محفوظ کیا جاسکے۔ تقریب کے آخر میں بچوں کو ٹیکے لگاکر مہم کا باقاعدہ افتتاح کیا گیا۔

chitraltimes measles and rubella campain kicked off in chitral3 2
chitraltimes measles and rubella campain kicked off in chitral3 3


شیئر کریں: