گورنمنٹ گرلز ڈگری کالج چترال کی طالبہ حینا ناہید کا اعزاز،
چترال (نمائندہ چترال ٹائمز ) گورنمنٹ گرلز ڈگری کالج چترال کی ہونہار طالبہ حیناناہیددختر شیر نواب خان (المعروف نوابی) ساکن چنار مستوج نے امسال ایف ایس سی پارٹ ون کے امتحان میں 550نمبروں میں سے 519نمبرلیکر اپنی کالج میں پہلی جبکہ ضلع میں نمایاں پوزیشن حاصل کی ہے ۔ حیناناہید کے سابقہ ریکارڈ بھی نمایاں ہیں وہ اپنی پڑھائی کے ساتھ مختلف موضوع پر لکھتی ہیں ان کے مضامین مختلف اخبارات میں شائع بھی ہوچکی ہیں۔ چترال ٹائمز سے گفتگو کرتے ہوئے انھوں نے اپنی کامیابی کو اللہ تعالیٰ کی مہربانی ، والدین کی دعاوں ، اساتذہ کی بہترین رہنمائی اور اپنی محنت کا ثمر قرار دیا ہے ۔ وہ ڈاکٹر بن کراپنے علاقے اور قوم کی خدمت کا ارادہ بھی رکھتی ہیں۔