Chitral Times

Dec 1, 2021

ﺗﻔﺼﻴﻼﺕ

چترال بونی مستوج شندور روڈ کی تعمیر پر کام شروع کردیا گیا۔ ڈپٹی کمشنرحسن عابد

شیئر کریں:

چترال بونی مستوج شندور روڈ کی تعمیر پر کام جاری۔ ڈپٹی کمشنر لوئر چترال

چترال (نمائندہ چترال ٹائمز ) نیشنل ہائی وے آتھارٹی ( این ایچ اے ) کے زیراہتمام چترال بونی مستوج شندور روڈ پر کام شروع کردیا گیا ہے ۔ اس بات کا انکشاف ڈپٹی کمشنر لوئر چترال حسن عابد کی دفترسے جاری ایک بیان میں کیا گیا ہے ۔ بیان میں مذید کہا گیا ہے کہ چترال شندور روڈ کے پیکیج ون میں پندرہ کلومیٹرپر راغ لشٹ کے مقام پر کام شروع کردیا گیا ہے جبکہ پیکیج ٹو کے ۳۸ کلومیٹر پر کام جاری ہے ۔ دونوں کیلئے ٹھیکہ داروں کو متحرک کیا گیا ہے ۔


اس سلسلے میں گزشتہ دن ممبر نارتھ این ایچ اے مسٹر مکیش کمار ، جی ایم چترال پراجیکٹس مسٹر غلام مجتبیٰ میمن ، ڈائریکٹر مینٹیننس سید نواز ، پروجیکٹ ڈائریکٹر لواری ٹنل انجینئر رفیق عالم ، ڈپٹی ڈائریکٹر فواد اور لینڈ ایکوزیشن سٹاف نے ڈی سی چترال لوئرحسن عابد کے ساتھ ان کے دفتر میں میٹنگ کی۔ جہاں بتایا گیا کہ چترال میں این ایچ اے کے دفتر کا افتتاح کر دیا گیا ہے اور افسران کو یہاں مستقل طور پر تعینات کیا گیا ہے تاکہ مسائل کو موقع پر حل اور منصوبوں کو بروقت مکمل کیا جا سکے۔
300 ملین روپے مالیت کے کالکٹک چترال سڑک کی بہتری کا منصوبہ اور بروز پل کی تعمیر کو این ایچ اے نے منظور کر لیا ہے اور جلد ہی کام شروع ہو جائے گا۔ چترال شندور روڈ پیکج 1 اور 2 ، ان دونوں پیکجوں پر چترال لوئر ڈسٹرکٹ میں کام جاری ہے۔

chitraltimes nha officials meeting with dc chitral lower
chitraltimes nha officials meeting with dc chitral lower1
chitraltimes chitral mastuj shandur road construction work in progress2
chitraltimes chitral mastuj shandur road construction work in progress3
chitraltimes chitral mastuj shandur road construction work in progress raghlasht
chitraltimes chitral mastuj shandur road construction work in progress21

چترال


شیئر کریں: