Chitral Times

Mar 29, 2024

ﺗﻔﺼﻴﻼﺕ

اپرچترال کے ہیڈ کوارٹر بونی میں عید میلادالنبیﷺ کے سلسلے میں ریلی اورتقریب

شیئر کریں:

اپر چترال(نمائندہ چترال ٹائمز ) ڈسٹرکٹ ایڈمنسٹریشن اپر چترال اور گورنمنٹ ہائی سکول بونی کے زیر اہتمام عیدمیلادالنبی صلی اللہ علیہ وسلم کے سلسلے میں ریلی نکالی گئی۔ جس میں شاہ عدنان اسسٹنٹ کمشنر مستوج، ربنواز خان ایڈیشنل اسسٹنٹ کمشنر موڑکہو/تورکہو، گورنمنٹ ہائی سکول بونی کے پرنسپل صاحب الرحمن و اساتذہ کرام، علماء کرام، کثیر تعداد میں طلباء اور عوام الناس نے شرکت کیں۔

ریلی کا اغازگورنمنٹ ہائی سکول بونی سے ہوکر بونی چوک پہنچ کر احتیتام پذیر ہوا۔ بونی چوک میں ایک مختصر تقریب کا انعقاد کیا گیا جس میں علماء کرام نے خضور نبی پاک صلی اللہ علیہ وسلم کے اسوہ حسنہ اور ان کے سیرت پر تفصیل سے روشنی ڈالی۔ اسسٹنٹ کمشنر مستوج نے اپنے خطاب میں خاتم النبیین صلی اللّٰہ علیہ وسلم کے سنت اور ان کے عظیم اخلاق کو عالم اسلام کے لئے بہترین نمونہ قرار دیا۔ انہوں نے کہا کہ ہمیں اپنی زندگی امام الانبیاء، احمد مجتبی صل اللہ علیہ وسلم کے سیرت اور ان کے بتائے ہوئے طریقوں کے مطابق گزارنی چاہئے۔ پروگرام کا احتیتام دعائی کلمات کے ساتھ ہوا۔

chitraltimes eid millat program booni3

شیئر کریں: