Chitral Times

Jun 14, 2024

ﺗﻔﺼﻴﻼﺕ

چترال کے باسی شرافت اور حسن اخلاق میں اپناثانی نہیں رکھتے۔۔ڈاکٹرعائشہ شیخ

شیئر کریں:

چترال ( نمائندہ چترال ٹائمز ) چترال خوبصورتی کے لحاظ سے اپنی مثال اپ ھے؛ یہاں کے باسی شرافت اور حسن اخلاق میں اپنا ثانی نہیں رکھتے ھیں؛ ان خیالات کا اظہار اسلام اباد سےآئی ہوئی النور ٹوراینڈ ٹریول کی سی ای او ڈاکٹر عائشہ شیخ نے چترال ٹائمز سے بات چیت کرتے ھوے کہی ۔انھوں نے اپر چترال بونی اور لوئرچترال میں ایک ہفتہ گزارا اس دوران وہ مختلف ادبی شخصیات سے ملاقاتیں بھی کیں جن میں بابا فاتح الدین، زاکرمحمد زخمی ،ظفراللہ پرواز ، حیدری لال، انصارنعمانی، جمشید حسین عارف، فضل الرحمن شاہد، سجاد زرین ودیگر بھی شامل ہیں۔

ڈاکٹر عائشہ شیخ کے دورے کا مقصد چترال میں مختلف ایونٹ منعقد کرکے یہاں سیاحت کو ترقی دینے میں اپنا حصہ اور کردار ادا کرنا ہے۔ انھوں نے چترال میں سیاحت کے شعبے میں کام کرنے والی کمپنی قشقار ٹورزم کمپنی کے ساتھ ملکر چترال میں سیاحت کو ترقی دینے اور بہت جلد یہاں پر سیاحت کے حوالے سے مختلف پراجیکٹس پر بھی کام شروع کرنے کا عندیہ دیا۔ ڈاکٹر عائشہ نے مذید کہا کہ چترال اپنی منفرد ثقافت کی وجہ سے پوری دنیا کے سیاحوں کا ہمیشہ سے توجہ کا مرکز رہا ہے، یہاں کی ثقافت، لوگوں میں محبت، سادگی، بھائی چارگی اور مہمان نوازی اپنی مثال آپ ہے ۔ انھوں نے جن جن مقامات کا دورہ کیا اور لوگوں سے ملاقاتیں کی سب کی مہمان نوازی کا شکریہ ادا کیا۔

chitraltimes dr aisha shaikh22
chitraltimes dr aisha shaikh24
chitraltimes dr aisha shaikh aghosh

شیئر کریں:
Posted in تازہ ترین, چترال خبریںTagged
53547