ڈینگی مچھروں سے بچاؤ کیلئے ہنگامی بنیادوں پر ٹھوس اور عملی اقدامات اُٹھائی ہیں۔ڈپٹی کمشنرچترال لوئر
چترال (چترال ٹائمز رپورٹ) ضلعی انتظامیہ چترال لوئر نے ڈینگی مچھروں سے بچاؤ کیلئے ہنگامی بنیادوں پر ٹھوس اور عملی اقدامات اُٹھائی ہیں اور اس سلسلے میں ضلع بھر میں اینٹی ڈینگی سپرے کرائی جارہی ہے تاکہ اس خطرناک مچھر کے پھیلاؤ کو روکا جاسکے جبکہ اس سلسلے میں ضلعی انتظامیہ نے احتیاطی تدابیر کواپنانے کے لیے متعدد ہدایات بھی جاری کی ہیں جس میں کھلے پانی اور چھتوں کی ٹینکیوں کو ڈھانپنے کے علاوو بازاروں میں ٹائروں اور دوسرے اشیاء میں پانی کھڑا نہ کرنا شامل ہیں۔یہ بات ڈپٹی کمشنر لوئر چترال کے آفس سے جاری ایک بیان میں کہی گئی ہے ۔