لاسپور؛ ریسکیو1122 کی کامیاب اپریشن، غار میں پھنسے نوجوان کو بحفاظت نکال لیا
اپر چترال (چترال ٹائمز رپورٹ ) مستوج کے علاقہ لاسپور بروک میں پہاڑی کھائی میں گرے ہوئے نوجوان کو تقریبا چوبیس گھنٹے بعد بحفاظت ریکسیو کیاگیا۔ تفصیلات کے مطابق اپر چترال کے علاقہ بروک لاسپور سے تعلق رکھنے والے نوجوان شاکر بکرایاں چراتے ہوئے پاوں پھسل کر پہاڑ کے غار نما کھائی میں جاگرا اور واپس نہ نکل سکا، ریسکیو1122 کو اطلاع ملنے پر ریسکیو1122 کی ٹیم اپر چترال بونی سے تین گھنٹہ گاڑی میں اور سات گھنٹے رات بھر پیدل سفر کرکے اپر چترال لاسپور بروک پہنچ کر نوجوان کو غار سے بحفاظت ریسکیو کیا، ریسکیو1122 اپر چترال کی ٹیم سٹیشن ہاوس انچارج امجد حسین کی نگرانی میں کامیاب ریسکیو اپریشن کیا اور نوجوان کو بحفاظت غار سے نکالنے میں کامیاب ہوگئی.