آغا خان ہائیر سکینڈری سکول کوراغ کی طالبہ عالیہ فرح غفار کا اعزاز
اپر چترال ( نمائندہ چترال ٹائمز ) آغاخان ہائیر سیکنڈری سکول کوراغ کے ایف ایس سی پری میڈیکل کی ہونہار طالبہ عالیہ فرح غفار نے آغاخان یونیورسٹی ایگزامنیشن بورڈ کراچی کے زیر اہتمام ایف ایس سی کے امتحان میں 1100نمبروں میں سے 1094نمبر لیکر صوبہ بھر میں پہلی پوزیشن لی ہے ، عالیہ نے 99.5 فیصد نمبر لیکر اے ون گریڈ کا بھی حقدار قرار پایا ہے۔ ہونہار طالبہ کا تعلق آوی مستوج سے ہے وہ سابق ایڈیشنل کمشنر ملاکنڈ ڈویژن عبد الغفار خان کے دختر ہیں۔عالیہ فرح اس سے پہلے بھی میٹرک کے امتحان میں نمایاں پویشن لے چکی ہیں ۔
