پیر کی شام سے بالائی علاقوں میں مون سون بارشوں کا امکان ہے، ہائی الرٹ جاری۔پی ڈی ایم اے
اسلام آباد ( چترال ٹائمز رپورٹ ) محکمہ موسمیات کے مطا بق 20 ستمبر پیر کی شام/رات سے مون سون ہوائیں ملک کے بالائی علاقوں میں داخل ہوں گی اور 25 ستمبر تک ملک کے دیگر حصوں میں بھی بارش کا باعث بنیں گی۔
20 ستمبر پیر کی شام/رات سے 24 ستمبر جمعہ کے دوران :کشمیر ، اسلام آباد ، راولپنڈی ، اٹک ، چکوال ، جہلم ، گجرات ، منڈی بہاؤالدین ،سیالکوٹ ، نارووال ، گوجرانوالہ ، حافظ آباد ، لاہور ، اوکاڑہ، فیصل آباد ، سر گودھا، میا نوالی، جھنگ، ٹوبہ ٹیک سنگھ ، کوہستان، شانگلہ، مانسہرہ، ایبٹ آباد، ہری پور، مردان، چارسدہ، نوشہرہ، دیر، چترال، پشاور،کوہاٹ ،وزیرستان، گلگت بلتستان(غذر، استور، دیامیر، اسکردو، گلگت، ہنزہ ،نگر، گانچی اورخرمنگ) میں وقفے وقفے سے تیز ہواؤں اور گرج چمک کے ساتھ بارش کی پیشگوئی۔ اس دوران چند مقامات پرموسلادھار بارش کا بھی امکان ہے
23 ستمبر جمعرات شام /رات سے 25 ستمبر ہفتہ کے دوران: ٹانک ،کرک، بنوں،ڈیرہ اسماعیل خان، جنوبی پنجاب (بھکر،لیہ، ساہیوال، بہاولنگر، ڈیرہ غازی خان، راجن پور، خانپور، خا نیوال، ملتان) ، مشرقی بلوچستان (کوہلو، لورالائی ، بارکھان، ژوب، مو سی خیل، کو ئٹہ ، ز یا رت ، قلات) اور صوبہ سندھ (کراچی ، حیدرآباد ، میرپور خاص ، تھر پارکر ، عمر کوٹ ، سانگھڑ ، ٹھٹھہ ، بدین ، دادو ، شہید بینظیرآباد ، سکھر ، لاڑکانہ) میں بھی تیز ہواؤں اور گرج چمک کے ساتھ بارش کی بھی توقع۔ اس دوران چند مقامات پرموسلادھار بارش کا بھی امکان ہے جس کے باعث حالیہ شدید حبس اور گرمی کی شدت میں کمی کا امکان ہے۔ جبکہ آندھی کے باعث نقصانات کا بھی خدشہ ہے ۔
دریں اثنا پی ڈی ایم اے خیبر پختونخوانےضلعی انتظامیہ اورمتعلقہ اداروں کومراسلہ جاری کر دیا ہے ۔
کوہستان ، شانگلہ ، مانسہرہ ، ایبٹ آباد ، ہری پور ، مردان ، چارسدہ ، نوشہرہ ، دیر ، چترال ، پشاور ، کوہاٹ اور وزیرستان میں وقفے وقفے سے بارش کا امکان ہے ۔
تیزبارشوں کے پیش نظرضلعی انتظامیہ اورمتعلقہ اداروں کو پیشگی اقدامات کرنےاورالرٹ رہنے کی ہدایات گئی ہے۔
بارشوں کا سلسلہ ہفتہ کے روزتک وقفے وقفے سے جاری رہنے کا امکان ہے
سیاح دوران سفر خصوصی احتیاطی تدابیر اختیار کریں اورموسمی صورت حال سے باخبر رہے۔ ۔پی ڈی ایم اے کا ایمر جنسی آپریشن سنٹر مکمل فعال ہے۔۔عوام کسی بھی ناخوشگوار واقعے کی اطلاع ھیلپ لائن 1700 پر دیں۔
