چترال لوئر؛ دو مختلف حادثات میں ایک خاتون جان بحق پانچ افراد زخمی
چترال ( محکم الدین ) دو مختلف واقعات میں ایک خاتون جان بحق پانچ افراد زخمی ہیں۔ تفصیلات کے مطابق پہلا واقعہ دروش کے مقام نگر میں پیش آیا ۔ جہاں سوات بریکوٹ سے تعلق رکھنے والے ایک ہی خاندان کے افراد اپنی کرولا کار نمبر FBR 3839 جسے شجاعت علی ولد وحید زمان چلا رہا تھا اپنے رشتے داروں سے ملنے چترال آرہے تھے ۔ کہ نگر کے مقام پر حادثے کا شکارہوا ۔ جس کے نتیجےمیں نزاہت بی بی دختر وحید زمان جان بحق اور شجاعت علی سمیت چار افراد زخمی ہو گئے ۔ بعد آزان ریسکیو 1122 کے ایمبولینس میں انہیں ٹی ایچ کیو ہسپتال دروش پہنچایا گیا ۔
دوسرا حادثہ جوٹی لشٹ کے مقام پر پیش آیا ۔ جہاں ایک موٹر سائیکل سوار حاجی خان ایک جیپ سوزوکی سے جاٹکرایا ۔ جس کے نتیجے میں ان کا دایاں ٹانگ ٹوٹ گیا ۔ جسے بعد آزان پشاور ریفر کر دیا گیا ۔ چترال پشاور روڈ N45 کی خراب حالت کی وجہ سے آئے روز حادثات ہو رہے ہیں ۔ لیکن حکومت کی طرف سے چترال پشاور روڈ کی تعمیر و مرمت پر کوئی توجہ نہیں دی جارہی ۔ خصوصا سید آباد سے چترال شہر تک سڑک ٹوٹ پھوٹ کا شکار ہو کر نصف رہ گئی ہے ۔ جس کی وجہ سے مسلسل حادثات ہو رہے ہیں ۔
