Chitral Times

Mar 28, 2024

ﺗﻔﺼﻴﻼﺕ

چترال؛ جے آئی یوتھ (خواتین) کنونشن،پروفیسر ابراہیم کی خصوصی شرکت

شیئر کریں:

چترال؛ جے آئی یوتھ (خواتین) کنونشن،

چترال ( چترال ٹائمز رپورعٹ ) الخدمت سکول قتیبہ دنین میں گزشتہ دن جے آئی یوتھ (خواتین) کنونشن کا انعقاد کیا گیا۔ پروفیسر محمد ابراہیم خان نائب امیر جماعت اسلامی پاکستان نے خصوصی طور پر شرکت کی اور خطاب کیا۔ پروگرام کا آغاز تلاوت کلام پاک اور حمدو نعت سے ہوا۔


صوبائی و ضلعی قائدین کے علاوہ جماعت اسلامی ضلع چترال کے مختلف شعبوں کی نگران خواتین، جامعات المحصانات و ذیلی جامعات کی ذمہ داران اور طالبات کے علاوہ کالجز اور یونیورسٹی کی طالبات نے بھر پور شرکت کی۔


مہمان خصوصی کے علاؤہ جے آئی یوتھ کی صوبائی ناظمہ اور ضلعی ناظمہ نے اپنے خطبات میں نوجوانوں کو قوم کا اصل سرمایہ و اثاثہ قرار دیتے ہوئے کہا کہ شاعر مشرق علامہ محمد اقبال نے جوانوں کو شاہین سے اس لیے تشبیہ دی ہے کہ شاہین کی نگاہ اور حوصلہ بلند، عزم مصمم، نظر تیز، پر مضبوط اور پنجے مستحکم ہوتے ہیں، جوان اگر منظم ہو کر سعی کریں تو کوئی مشکل ان کے راستے میں رکاوٹ نہیں ڈال سکتی۔ پروگرام کے دوران شاعر مشرق کی نظم ” کبھی اے نوجوان مسلم تدبر بھی کیا تونے ” پر ایون جامعہ کی چھوٹی چھوٹی بچیوں نے خوبصورت انداز میں ٹیبلو پیش کی۔


پروگرام میں یوتھ کی صوبائی ناظمہ کی طرف سے کیے گئیے سوالوں کے درست جوابات دیکر بچیوں نے انعامات بھی جیت لیے۔
پروگرام کا اختتام ملک کی سالمیت اور اسلامی فلاحی ریاست کے قیام کی دعا کے ساتھ ہوا۔

chitraltimes jui youth female chitral convantion
chitraltimes jui youth female chitral convantion2

شیئر کریں: