Chitral Times

Sep 24, 2021

ﺗﻔﺼﻴﻼﺕ

چترال میں پیڈوکے پایہ تکمیل کو پہنچنے والے پن بجلی گھروں کا بدست معاون خصوصی تاج محمد افتتاح

شیئر کریں:

چترال میں اے۔کے۔ار۔ایس۔پی کے زیرانتظام پیڈوکے پایہ تکمیل کو پہنچنے والے پن بجلی گھروں کا بدست تاج محمد افتتاح

چترال ( نمائندہ چترال ٹائمز) وزیر اعلیٰ خیبر پختونخوا کے معاون خصوصی برائے توانائی تاج محمد نے پیڈو پراجیکٹ فیز ون کے تحت آغا خان رورل سپورٹ پروگرام کے ذریعے چترال میں پایہ تکمیل کو پہنچنے والے مختلف پن بجلی گھروں کا سہ روزہ دورہ مکمل کرلیا جس میں ان کے ساتھ معاون خصوصی برائے اقلیتی اموروزیر زادہ، پیڈو کے چیف ایگزیکٹو نعیم خان اور پیڈو کے پراجیکٹ ڈائرکٹر محمد شاہد خان بھی موجود تھے۔ معاون خصوصی اور ان کے وفد نے مداک لشٹ، لوٹ کوہ اور کالاش ویلی بمبوریت اور بریر میں ان ہائیڈروپاؤر منصوبوں میں کئی ایک کا افتتاح کرنے کے بعد مقامی کمیونٹیوں کے ممبران سے بھی ملاقات کی۔

chitraltimes taj muhammad inagurated pedo php chitral7

دورے کے آخری دن بمبوریت کے مقام پر پیڈو پراجیکٹ کے پن بجلی گھر کا افتتاح کرتے ہوئے انہوں نے کالاش اور مسلم کمیونٹی کی ایک مشترکہ تقریب سے خطاب کرتے ہوئے کہاکہ پیڈو پراجیکٹ کی فیز ون کی چترال میں کامیابی کے پیش نظر فیز ٹو میں اس کے لئے فنڈ کی حجم میں کئی گنا اضافہ کرتے ہوئے 12ارب روپے کردیا گیا ہے تاکہ چترال کی سوفیصد علاقے اور آبادی کو ٹارگٹ بنایا جاسکے۔ انہوں نے اے کے آرایس پی کی کارکردگی کو سراہتے ہوئے کہاکہ ترقی کے دوسرے سیکٹروں کی طرح پاؤرسیکٹر میں اس کے خدمات قابل ستائش ہیں اوراس ضلعے میں کئی عشرہ سال پہلے کمیونٹی کے لئے چھوٹے ہائیڈل پراجیکٹ متعارف اور شروع کرنے کا کریڈٹ بھی اسی کو حاصل ہے۔

chitraltimes taj muhammad inagurated pedo php chitral9

انہوں نے کہاکہ کلین اینڈ گرین انرجی کا حصول وزیر اعظم عمران خان کا وژن ہے اور پیڈو پراجیکٹ اس کے حصول کا ذریعہ ہے جس کے لئے صوبہ بھر اس پراجیکٹ کو گیارہ اضلاع سے بڑہاکر اکیس اضلاع تک لے جایا جارہا ہے جس پر 672ارب روپے کی خطیر رقم مختص کردی گئی ہے۔ تاج محمد نے کہاکہ سابق حکومتوں نے بجلی مہنگی داموں پرائیویٹ پارٹیوں سے حاصل کرکے ملک کو مالی بحران سے دوچار کردیا لیکن پی ٹی آئی حکومت نے سستی اور ماحول دوست بجلی کے حصول کو اپنا ٹارگٹ بنالیا ہے۔ انہوں نے کہاکہ پوری دنیا موسمیاتی تبدیلی کی وجہ سے پریشانی سے دوچار ہے اور اس مسئلے کو سامنے رکھتے ہوئے پی ٹی آئی حکومت نے پہلے بیلین ٹری سونامی اور اب ٹین بیلین ٹری سونامی کے کامیاب منصوبے شروع دنیا کے دوسرے ممالک کے لئے ایک قابل تقلید مثال قائم کردی ہے جبکہ پن بجلی گھروں کا پیڈو پراجیکٹ بھی اسی کا تسلسل ہے۔

chitraltimes taj muhammad inagurated pedo php chitral8

انہوں نے مقامی کمیونٹی پر زور دیا کہ وہ ایسے منصوبوں کی کامیابی میں بڑھ چڑھ کر حصہ لیں جوکہ ان کی تعاون کے بغیر مکمل نہیں ہوسکتے۔ وزیر اعلیٰ کے معاون خصوصی برائے اقلیتی امور وزیر زادہ نے اس موقع پر خطاب کرتے ہوئے کہاکہ کالاش وادی بمبوریت، بریر اور رمبور میں ایک ایک گھرانے میں وزیر اعظم عمران خان کا شکریہ ادا کیا جارہا ہے جس نے ملک کی تاریخ میں پہلی بار کالاش کمیونٹی سے تعلق رکھنے والے کو نہ صرف صوبائی اسمبلی تک پہنچادیا بلکہ انہیں صوبائی کابینہ میں بھی جگہ دلوائی تاکہ وہ یہاں سے پسماندگی اور غربت کو دور کرنے کے قابل ہوسکے۔

chitraltimes taj muhammad inagurated pedo php chitral6

انہوں نے کہاکہ کالاش ویلیز روڈ کی تعمیر کے لئے ساڑھے چار ارب 65کروڑ روپے اور زمین کے لئے دو ارب روپے منظور ہوچکے ہیں اور کسی بھی وقت یہاں کی سڑک پر کام شروع ہوگا جوکہ عمران خان کی ٹورز م کی ترقی کے ذریعے ملک کی ترقی کی وژن کا حصہ ہے اور یہ ان کی اولین ترجیح بھی ہے۔

chitraltimes taj muhammad inagurated pedo php chitral5

انہوں نے علاقے کی وزٹ پر تاج محمد کا شکریہ ادا کیا۔ اس سے قبل پیڈو کے چیف ایگزیکٹیو افیسر نعیم خان اور پیڈو کے پراجیکٹ ڈائرکٹر محمد شاہد خان نے بھی اپنے خیالات کا اظہار کرتے ہوئے پیڈو پراجیکٹ کی اہمیت پر روشنی ڈالی۔

اے کے آر ایس پی کے ریجنل پروگرام منیجر سید ظہور امان شاہ نے کہاکہ چترال کے طول وعرض میں پانی کی بے پناہ وسائل کو استعمال کرتے ہوئے پن بجلی بہت بڑی مقدار میں پیدا کیا جاسکتا ہے جوکہ ماحول دوست ہونے کے ساتھ ساتھ سستی بھی ہے اور پیڈو پراجیکٹ اس میں حکومت کا ایک قابل قدر کوشش ہے۔ اس موقع پر کالاش عمائیدین نے تاج محمد اور دوسرے مہمانوں کو روایتی تخائف بھی پیش کئے۔

chitraltimes taj muhammad inagurated pedo php chitral3
chitraltimes taj muhammad inagurated pedo php chitral2
chitraltimes taj muhammad inagurated pedo php chitral1
chitraltimes taj muhammad inagurated pedo php chitral
chitraltimes taj muhammad inagurated pedo php chitral4

شیئر کریں: