Chitral Times

Sep 24, 2021

ﺗﻔﺼﻴﻼﺕ

نظم( جنت چھترار) فدامحمد فدا

شیئر کریں:

مہ جنت چھترار تو کیچہ شیلی
نو بونی الیکو تہ سار اویری
سف بوسون بیتی شیر پھار ہیری


عقل دی حیران ہنون بیتی شیر
باغ بہاران ہنون بیتی شیر
مست کورونیان دی گمبوریان ووری


گلستانہ بیکو بو قسمہ دی شینی
نامے نو بویان ہر نامہ دی شینی
کورا گل مرگست کورا چنبیلی


مہ جنت چھترار دی شیکا پرائی
پوشی تے حسنو ارمان چھیکا پرائی
تہ با غا کوسی بونی گدیری


ٹونگ اسپروکہ ہوئے بوئی بوسون ہنون
ہر کارا گدیری وا مجمون ہنون
ارمان کورونی کا ہونی بیری


دُنیو ای جنت بیرائی آیون ہنون
چوڑیکو ہیہ گویان مایون ہنون
مایونو حواز دی برائی سریلی


گونی تہ لوڑیکوتے افار ہنون
کیچہ جام بویان ہیتان سفر ہنون
ارزوان دنیا دی ہیہ بہچیلی


فدائے تہ خوش بیرائی چھترار ہنون
ہر گولو جاری چھیروغوچھار ہنون
خالق دی کورار ہمیشہ مو جاری


شیئر کریں: