Chitral Times

Aug 13, 2022

ﺗﻔﺼﻴﻼﺕ

یوم نسواں کے موقع پر چترال میں دارالامان کا افتتاح، ڈی پی او کی جانب سے کھلی کچہری کا انعقاد

شیئر کریں:

چترال ( نمائندہ چترال ٹائمز ) عالمی یوم نسواں کے سلسلے میں چترال میں منعقدہ ایک تقریب میں محکمہ سوشل ویلفیر، اسپیشل ایجوکیشن اورویمن ایمپاورمنٹ کے زیر اہتمام دارالامان کا افتتاح کیا گیا جبکہ ایک اور تقریب میں ڈسٹرکٹ پولیس افیسرلویر چترال سونیہ شمروز خان نے خواتین کو درپیش مسائل معلوم کرنے کے لئے کھلی کچہری کا انعقاد کیا جس میں خواتین بڑی تعداد میں شریک ہوئے۔

دنین شنجال میں واقع دارلامان کا باضابطہ افتتاح ڈسٹرکٹ پولیس افیسر سونیہ شمروز خان اور ایڈیشنل ڈی سی لویر چترال حیات شاہ نے فیتہ کاٹ کر کیاجبکہ اے ڈی سی (ریلیف) عبدالولی خان اور سرکاری محکمہ جات اور این جی اوز کے نمائندے اس موقع پر موجود تھے۔

Chitral darul aman inagurated 1

ڈی پی او اور اے ڈی سی نے اپنے خطاب میں کہاکہ چترال میں دارالامان کی ضرورت شدت سے محسوس کی جارہی تھی جہاں مختلف مسائل سے دوچار خواتین کو پناہ مل سکے اور جہاں انہیں ایک بہتر ماحول میں رہنے کے لئے میسر ہو۔ انہوں نے اس امید کا اظہار کیاکہ خواتین کے لئے اس سہولت کی فراہمی کے ساتھ خواتین کی خودکشیوں میں کمی آئے گی کیونکہ مسائل سے گھیرے ہوئے خواتین کو کوئی جائے پناہ نہ ملنے پر خود کشی کرنے پرمجبور ہوتے تھے۔انہوں نے کہاکہ عالمی یوم نسوان کے موقع پر محکمہ سوشل ویلفیر کی طرف سے یہ چترالی خواتین کے لئے ایک گرانقدر تخفہ ہے۔

ڈسٹرکٹ افیسر سوشل ویلفیر، اسپیشل ایجوکیشن اینڈ ویمن ایمپاورمنٹ نصرت جبین نے کہاکہ اس دارالامان میں چالیس خواتیں کو بیک وقت ٹھہرانے کی گنجائش موجود ہوگی جس سے اپر چترال کے ضلعے سے تعلق رکھنے والے خواتین کو بھی گنجائش ہوگی۔ انہوں نے کہاکہ دارالامان میں مفت قیام وطعام کے علاوہ ان کی تعلیم وتربیت، نفسیاتی کونسلنگ اور تفریح کے لئے بھی انتظامات کئے جارہے ہیں تاکہ وہ نفسیاتی الجھنوں سے آزاد ہوکر معاشرے کا بہتر حصہ بن کر یہاں سے نکل سکیں۔

Chitral darul aman inagurated 1 2

انہوں نے کہاکہ دارالامان کے روزمرہ امور کو چلانے اور بہتر انتظام کے لئے مشاورتی کمیٹی تشکیل دی جارہی ہے جس کے باقاعدگی سے اجلاس ہوتے رہیں گے جبکہ ایس اوپیز پہلے ہی بن چکے ہیں۔ انہوں نے کہاکہ یہ صوبائی حکومت کا اے ڈی پی اسکیم ہے۔ تقریب سے دارلامان کے پراجیکٹ منیجر اسیہ اجمل نے بھی خطاب کیا۔

dpo chitral khuli kachehri4

بعدازاں بلچ میں واقع ڈسٹرکٹ پولیس آفس میں منعقدہ تقریب میں اس دن کی مناسبت سے کیک کاٹا گیاجس میں لینگ لینڈ سکول اینڈ کالج کے پرنسپل مس کیری مہمان خصوصی تھی جبکہ کھلی کچہری میں ضلعے کے مختلف علاقوں سے آئے ہوئے خواتین نے اپنے مسائل بیان کئے جن میں بعض کے حل کے لئے موقع پر ہدایات جاری ہوئے۔ ڈی پی او نے اپنے خطاب میں کہاکہ خواتین پہلے کے مقابلے میں با اختیار بن گئی ہیں جوکہ اپنے حقوق کے لئے آواز بلند کرنے کی پوزیشن میں آگئی ہیں اور آئی جی پی خیبر پختونخوا کا یہی مشن ہے کہ خواتین کو بااختیار بنایاجائے۔

dpo chitral khuli kachehri5

انہوں نے کہاکہ ضلعے کے ہر سرکل میں ویمن ڈیسک اور ویلکم سپورٹ سنٹرز کا قیام عمل میں لائے گئے ہیں جہاں خواتین اپنے مسائل خاتون اہلکاروں کے سامنے بیان کرسکتی ہیں جبکہ فون نمبر 15پر بھی خواتین اپنے شکایات اندراج کرواسکتی ہیں۔اس موقع پر لیڈی پولیس فورس کی طرف سے ڈی پی او کو چترالی چغہ اور ٹوٹی پیش کیا گیا۔

dpo chitral khuli kachehri
dpo chitral khuli kachehri 2
dpo chitral khuli kachehri3

شیئر کریں: