Chitral Times

Apr 16, 2021

ﺗﻔﺼﻴﻼﺕ

کھوارزبانوفی البدیہہ شاعرخوش نادر خان خوشان…تحریر:ثناء اللہ ثنائی تریچ

شیئر کریں:

کھوار    زبانو   فی البدیہہ    شاعر   خوش نادر خان خوشان صاحب  تن مزاحیہ شاعریو واجہین دیتی سفو ہردیہ ای الگ مقام لاکھویان۔۔خوشان صاحب سرزمین تریچو شھیلی دیہہ ڈوک واہچہ 1957ء پیدا بیتی اسور۔خوشان صاحبو پروشٹاری کھوار شاعریو سم تعلق بہچی گیتی شیر۔ تریچو انجمنو بنیادار اچی خوشان صاحب انجمنو  ای فعال ممبر طورا تمام مشاعرہ شرکت کوری کلام رے اسور۔۔

کیاوت کی   انجمن   ترقی کھوار   حلقہ   تریچو    شاعرانان مجموعہ   کلام   ” شنجور اسپرو ” چھاپ باوشتاۓ۔ ہے سلسلہ استاد طارق   صاحبو    حکمو سورا خوشان   صاحبو سم ملاؤ ہوتم۔۔۔۔۔ ۔۔تھ بو امبوخ کلام  خوشان  صاحبو  سار روخچونو دی بیرو   بیرانی    ہورو وجہ   ہیہ کی     خوشان صاحب بعاۓ ای کما سالان اندرینی فالجو بیماریہ       مبتلا اسور۔لیکن کھوارو سم محبت ہانی ذیاد عیچھی گویان   کی بو  امبوخ کلام ودی تحریری    شکلہ    نوبیکو  سم   جوستہ خوشان صاحبوت یاد شینی۔۔خوشان  صاحب  کھوار شاعریو فی البدہہہ  شاعر حیثیتہ    کھوار   بشانو  ،صوفیانہ  کلام، مزاحیہ  نظمہ طبع ازمائی کوری اسور۔

خوشان صاحب انتہائی  درویش صفت   انسان،  تن  شھیلی مزاجو    ،شگفتہ  انداز بیانو و مزاحیہ طرز   گفتگو واجہین دیتی  سفو ہردیہ    ژاغہ    کوری اسور   ۔ ہو ثبوت  ہیہ کی خوشان صاحب تریچو پیچھی جغورا آباد اسور  لیکن ہتو یاد    چیق سلوٹو ہردیہ تریچہ زندہ  شینی۔۔۔

خوشان صاحبو    شاعریہ    نانتاتان    بارا نظم،   نوجوانانتے نصیحت ،   رمضان المبارکو فضیلت ، و ہیغار علاوہ   خوردیشھیلی   موضوعہ   بو امبوخ    کلام شینی۔۔خوشان صاحب انتہائی    قابل    فخر شخصیت ،  اللہ پاک خوشان صاحبوت صحت کاملہ عطا کورار۔و عمرہ برکت پیچھار۔۔۔امین۔۔۔۔ خوشان   صاحبو   کلامن   موژار   ای کما پیسہ خدمتہ پیش شینی۔۔۔۔۔۔۔۔۔۔۔

نانتتان   قدرو   کورور  نان تت بو  حقدار   ہنون

نان تتان قدرو نوکوسیان بوکگینیان دامدار ہنون

فالتو   پوزیشن   کی  ارو  بوس الٹا وامدار ہنون

نان   تتان   قدرو   کی  ارو   جنتو   حقدار  ہنون

نان   تتان  قدرو  نو کوری اسپہ خار کوسار ہنون

کوستے   شوروئی   سریران  و  کوستے بہار ہنون

انوسی   مہ   روئتو  دونیان ہمیت مہ دیہار ہنون

ای خور کلامہ شرین نانو صفاتان کوری خوشان صاحب ران کی۔۔۔۔

شیرین نان اورارو پالے ہیس تہ پرورش اریر

نہ تہ چملتوخی پراے نہ کی موخو دش اریر
ہیہ ژاو جوان و کیہ ہوے دنیوتے گردش اریر

تھمامو رویان ہیہ ژاو ایعو سم مخ دش اریر

چیقیا بردۓ تہ اسور جو سال تہ ہو وے اسور

تو ہنون عورتو لو وا عورت تہ شورئے    اسور

تان ای خور نظمہ رمضان المبارک مسو فضیلتان ہموش شھیلی بیان کویان

ہر   ای    مسجد   تلاوتین   وور     بیتی     شیر

کالو   بچین   ختمہ  روپھیک     زور بیتی   شیر
نشہ  کوری  واہلوچھی   کی    کا      پوریتاۓ

پھاۓ    اذان   بوۓ نہ  جماعتہ ہیس توریتاۓ

اللہ     پاکو     دیرو     ہیہ       ژان         اسپہ

مت     پرہیز     کوروسی    رمضان         اسپہ
مایون      باو     چوڑینیان      حافظان   اسپہ

ہردیہ       لاکھوسی      پاک     قرآن       اسپہ
کیہ    دوروت    کی    بیسیان   ہیے مکان اسپہ

ہورو         شھیلیکو     بو     ارمان         اسپہ


شیئر کریں: