کیا دنیا ایک بار پھر “Clash of civilization” کی جانب جارہی ہے؟ ..اخون عبّاس
فرانس ایک زمانے میں ثقافت ، فلسفہ ، فیشن اور روشن خیالی کا گھر کہلانے والا ملک اج کل غیر متزلزل رد عمل ، مذہبی منافرتوں اور دنیا کو تقسیم میں ڈبونے کی وجہ سے تیزی سے تاریکی میں ڈوبا جارہا ہے ، جس کا فائدہ شاید ہی کسی کو ہو۔
“آزادی اظہار رائے” کے نام نہاد چیمپیئن نے گستاخانہ خاکون کے واقعے پر، جس کی جڑیں مذہبی جذبات میں پیوست ہیں ، جارحیت کے تحت اسلام کو بدنام کرنے کی جو کوشش کی ہے، یہ “ایمانوئیل مکرون” انتظامیہ کی نا اہلی کے واضح ثبوت ہیں جو اپنی حکومت کی بدتریں کاکردگی کو چھپانے کیلئے عوامی دباؤ کے پیش نظر اسلام کو بحیثیت ڈھال بنا کر چور دروازے سے بھاگنے کی ناکام کوشش کر رہے ہیں ۔مغربی ممالک نے ہمیشہ اپنی خراب حکومتی کاکردگی سے عوامی توجہ ہٹانے کیلئے اسلام مخالف پروپیگنڈا کا سہارا لیا ہے جس میں کچھ حد تک انہیں کامیابی بھی ملی ہے۔
استاد (سیمیئل پیٹی ) کی طرف سے پیغمبر اکرم (صَلَّى اللّٰهُ عَلَيْهِ وَسَلَّم) کی شان میں گستاخی نے پوری دنیا میں حضرت محمّد (صَلَّى اللّٰهُ عَلَيْهِ وَسَلَّم) سے گہری محبت کے سبب مسلمانوں میں شدید غم و غصہ کو جنم دیا اور اس کے بعد جو واقعہ پیش آیا اسے روکا جاسکتا تھا لیکن ، اب موجودہ فرانسیسی صدر کے ذریعہ یہ معاملہ ایک اور سطح پر آگیا ہے ۔
تاریخ ایک عقلمند رہنماء ہے۔انسان ہمیشہ تاریخ سے ہی کچھ نہ کچھ سیکھتا ہے، کیونکہ تاریخ انسان کو ہوشیار بنا دیتی ہے، کہ جب بھی مسلمانوں کے مذہبی عقائد کا مذاق اڑایا جاتا ہے اور ہمارے پیارے نبی اکرم صلی اللہ علیہ وسلم کا مذاق اڑایا جاتا ہے تو ، اس سے رد عمل کی ایک لہر پیدا ہوتی ہے جسے “سیکولر لینز”سے پہچانا نہیں جاسکتا جو یہ “سیکولرازم کے لارڈز” پہنتے ہیں۔ جب بھی اس طرح کی کوششیں کی جاتی ہیں تو اس کا ہر سطح پر پوری دنیا کے تمام مسلمانوں نے یکساں طور پر اپنی قومیت، فرقے اور سیاسی مفادات سے بالاتر ہو کر شدید احتجاج کیا ہے ، تاریخ کی تعلیم سے یہ غافل غائب حیرت کا باعث ہے کہ کیا پھر سے عالمی نظم و ضبط کو پریشان کرنے کی شعوری کوششیں ہو رہی ہیں؟
موجودہ کورونا وبائی بیماری جو کہ صرف 1% مہلک ہے، نے اس وائرس سے نمٹنے کے لئے عالمی سطح پر کارروائی کی ضرورت پر ذور دیا اور یہ وائرس فرانس سمیت تمام ممالک کی ریاستوں کو یکساں طور پر بہا گیا ، کیونکہ کسی کے پاس بھی اس کو شکست دینے اور جان بچانے کیلئے حکمت عملی نہیں تھی ۔ وبائی امراض کی اس قسط میں سوچنے اور سیکھنے والے افراد کے لئے بڑی تعلیم حاصل تھی۔
اب جبکہ دنیا ابھی تک اس وبائی مرض کے شکنجہ سے باہر نہیں نکلی ہے ، فرانس نے وائرس سے کہیں زیادہ خطرناک اور بہت زیادہ تباہی پھیلانے والے مشن پر کام کا آغاز کر دیا ہے۔ اسلام کے ساتھ دہشت گردی کی کاروائی کو میکرون کی جانب سے راغب کرنا کوئی نئی بات نہیں ہے۔ اٙسی کی دہائی کے اوائل میں امریکی پروفیسر”Paul Huntington” نے اپنا بدنام نظریہ “Clash of civilization” یعنی “تہذیب کا تصادم” پیش کیا اور دنیا نے اس تاریک نظریہ کے زبردست نقصانات کا مشاہدہ کیا۔ عراق ، افغانستان کی جنگ ، پاکستان میں پراکسی جنگ ، ایران کے خلاف پابندیوں کی جڑیں اسی نظریے میں ہیں۔ اب جب کہ اس کی غلطی کو بے نقاب کردیا گیا ہے یہاں تک کہ اس نظریہ کے پیروکار بھی اب اس بیانیے کی صداقت اور دلیل پر سوال اٹھاتے ہیں؟ ان جنگوں نے نہ صرف مسلم ممالک کو نقصان پہنچایا بلکہ اس کی نظر آنے والی اور قابل فہم نتیجہ نے بھی انتہائی مستحکم معیشتوں اور مستحکم حکومتوں میں دراڑیں پیدا کردی ہیں۔ عراق کی جنگ – کسی اخلاقی اتھارٹی کے باوجود – امریکی کانگریس اور سینیٹ میں اکثر سوالات اٹھائے جاتے ہیں ، کیا یہی معاملہ افغان جنگ کے خاتمے کا ہے؟
تاریخ کے بڑے دیوار پر واضح طور پر لکھا گیا ہے کہ دہشت گردی کے خلاف اس ناپاک جنگ نے کس طرح انتہا پسندی کو جنم دیا اور عالمی نظام کو درہم برہم کردیا۔ اس تقسیم کے دونوں اطراف میں لاکھوں افراد اپنی جانوں سے ہاتھ دھو بیٹھے ، کھربوں ڈالر غیر منطقی اور بیکار طور پر خرچ ہوئے جو کہ عظیم انسانیت پسندی اور فلاح و بہبود کے لئے استعمال ہوسکتے تھے- مستحکم حکومتیں انتشار میں تبدیل ہو گئیں لیکن جنگی صنعت نے خوب ترقی کی ۔ “آفات کے سوداگروں ” کیلئے کھربوں ڈالرز کا نذرانہ پیش کیا گیا، دہشت گردی کی مختلف فرنچائز قائم کی گئ اور دہشت گردی کے خلاف جنگ میں “دہشت گردی کا نیٹ ورک قائم کرنا” سب سے زیادہ منافع بخش کاروبار کی حیثیت سے سامنے آیا۔
چاہے اس کا الزام القائدہ ، طالبان ، امریکہ ، برطانیہ یا کسی اور ملک پر عائد کریں لیکن، حقیقت یہ ہے کہ اسلحہ و گولہ بارود یعنی “Arms and Ammunitions” کا کاروبار کرنے والی جماعت کے علاوہ کسی کو کوئی فائدہ نہیں ہوا۔ جب کہ ان شریر قوتوں کی معیشت مضبوط ہوتی گئیں اور دیگر قوموں کی معیشتیں لڑکھڑانے لگیں، جس کا نتیجہ 2008 کی بڑی کساد بازاری تھی جو اج تک ہمارا پیچھا نہیں چھوڑ رہی اور اوپر سے ہمیں COVID 19 کی وبائی بیماری نے مزید خراب کردیا۔
اسلامو فوبیا نے حالیہ دنوں میں مغربی دنیا میں بہت زیادہ حرارت حاصل کی ہے اور اس کا اندازہ وزیر اعظم پاکستان عمران خان نے اقوام متحدہ کی جنرل اسمبلی ، ورلڈ اکنامک فورم ، اور دیگر ہائی پروفائل عالمی ، علاقائی اور بین الاقوامی فورموں میں اپنی متواتر تقریروں میں کیا تھا۔ اگر اس پر دھیان دیا جاتا تو ، اس مسئلے کو غیر ضروری جنگ کے طور پر مزید بڑھاوا دینے کی بجاے زیادہ عملی اور قابل قبول انداز میں حل کیا جاتا، جس کا کوئی متحمل نہیں ہوسکتا۔
صدر ایمانوئیل میکرون کے ذریعہ جاری نفرت کی موجودہ لہر یکساں طور پر یہ ثابت کرتی ہے کہ اگر ہوش مندانہ اقدامات نہ اٹھائے گئے تو اس کے اور بھی منفی اور برے اثرات نہ صرف فرانس بلکہ پوری دنیا پر مرتب ہو سکتے ہیں ۔ یہ ذمہ داری اب مشرق اور مغرب دونوں پر ہے کہ اس مذہبی تصادم کو روکنے اور ورلڈ آرڈر کو قائم رکھنے کیلئے متوازن بیانیہ پیدا کرنے کے طریقہ کار کو اپنانا ہے۔ دنیا کے پاس “تہذیب کے تصادم” یعنی “Clash of Civilization”سے “تہذیب کی ہم آہنگی” یعنی “Harmony of Civilization”کی طرف جانے کے سوا اور کوئی چارہ نہیں ہے اور فرانس کو آگ بھڑکانے کے بجائے آگ بجھانے کیلئے آگے بڑھنا چاہئے۔
اس میں ابھی بھی دیر نہیں ہوئی۔ اگر عالمی ادارے ، قومی حکومتیں ایک ساتھ بیٹھ کر ، ان مسائل کو جڑ سے اکھاڑ پھینکنے کیلئے ایک عالمی بیانیہ تیار کرتی ہیں جو مذہبی اور قوم پرستی کے جذبات کا احترام کرتی ہے اور کسی بھی ملک پر مساوی طور پر پابندیاں عائد کرتی ہے یا عالمی سطح پر مفاہمت کی اس کوشش کو روکنے کے لئے طاقت پر مجبور ہوتی ہے تو یہ اب بھی قابل عمل ہے۔
پاکستان اپنی طرف سے اب تک صحیح راستہ اختیار کرچکا ہے۔ پاکستانی پارلیمنٹ کا متفقہ قرار داد درست سمت میں ایک درست اقدام ہے کیونکہ معاملہ سیاسی یا متعصبانہ مفادات سے بالاتر ہے۔ اگلا قدم اس پر ایک “کل جماعتی کانفرنس” بلانا چاہئے اور دنیا کو قومی اتفاق رائے کا پیغام دینے کے لئے تمام سیاسی قوتوں کے دستخط کردہ ایک قومی چارٹر کا مسودہ تیار کرنا چاہئے۔ پاکستان حکومت “OIC” کو اس موضوع پر ہنگامی میٹنگ کے لئے دباؤ ڈالنے میں ایک پیش قدمی کر سکتی ہے اور “مذہبی ہم آہنگی سے متعلق عالمی بیانیہ” تیار کرنے میں مدد دے سکتی ہے۔ اقوام متحدہ میں OIC کے مستقل نمائندے اقوام متحدہ میں “Religiophobia” کا مقابلہ کرنے کے لئے عالمی چارٹر” کے لئے ایک قرار داد پیش کرسکتے ہیں اور اس کو منظور کروانے کے لئے پوری شدت سے لابنگ کرنا چاہئے تاکہ “ایک عالمی چارٹر” اس طرح کے ناخشگوار واقعات کی روک تھام کرسکے اور جب بھی اس طرح کے مسائل سر اٹھانے لگیں تو اس معاملے میں فوری طور پر فوری اقدامات کو آگے بڑھائے۔
ہمیں دنیا میں “امن” چاہئے “افراتفری” نہیں۔