ڈی ایف سی چترال لوئراورایڈیشنل اسسٹنٹ کمشنر کا سبزی منڈی کا معائنہ
چترال (نمائندہ چترال ٹائمز) ڈائیرکٹر فوڈ خیبر پختونخوا کے حکم پر ڈی ایف سی لویر چترال فضل باری نے اتوار کی صبح اسسٹنٹ کمشنر ریونیو شہزاد خان کے ساتھ سبزی منڈی کا خصوصی معائنہ کیا اور سبزیوں اور پھلوں کی نیلامی کے عمل کا مشاہدہ کیا اور ان کی قیمتیں مقرر کردی۔ انہوں نے بعدازاں مارکیٹ میں چینی، آ ٹا اور دوسرے اشیائے خوردونوش کی دستیابی اور قیمتوں کا جائزہ لیا۔ انہوں نے عوام پر زوردیاکہ وہ ذمہ دار شہری ہونے کا ثبوت دیں اور مہنگائی و ذخیرہ اندوزی کرنے والوں کی حوصلہ شکنی کرنے اور انہیں قانون کے کٹہرے پر لانے میں حکومت کا ساتھ دیں۔