Chitral Times

Sep 26, 2020

ﺗﻔﺼﻴﻼﺕ

کمشنر ملاکنڈ ڈویژن کی اپر چترال میں کھلی کچہری کا انعقاد,یارخون لشٹ میں امدادی چیک تقسیم

شیئر کریں:

اپر چترال (نمائندہ چترال ٹائمز ) ڈی،سی آفس اپر چترال میں کمشنر ملاکنڈ ڈویژن سید ظہیرالاسلام کے زیرصدارت کھلی کچہری کا انعقاد کیا گیا۔ جس میں شاہ سعود ڈپٹی کمشنر اپر چترال، ذوالفقار تنولی ڈسٹرکٹ پولیس آفیسر اپر چترال، منہاس الدین ایڈیشنل ڈپٹی کمشنر ریلیف اپر چترال، محمد عرفان الدین ایڈیشنل ڈپٹی کمشنر جنرل اپر چترال کے علاوہ سربراہان جملہ لائن ڈیپارٹمنٹس اور کثیر تعداد میں عوام الناس نےشرکت کیں۔ اس موقع پر لوگوں نے مختلف عوامی مسائل کے انبار لگادئے۔جس کی بابت کمشنر نے متعلقہ سربراہان محکمہ جات کو فوری توجہ طلب مسائل کو موقع پرحل کرنے کی ہدایات جاری کیں۔

مذید برآں کمشنرنے تمام عوامی مسائل کو ایوان اقتدار کے ساتھ بھرپور طریقے سے اٹھانے کی یقین دھانی کرادی۔ انہوں نے تمام سربراہان ادارہ جات کو اپنے اپنے سٹیشنوں پہ حاضر رہتے ہوئے لوگوں کی بے لوث خدمت کرنے کی ہدایت کی اور ساتھ ساتھ انتظامی آفیسران کو اپنی زمہ داریاں و اختیارات قانونی دائرہ کار میں رہتے ہوئے مفاد عامہ میں بھرپور انداز میں استعمال کرنے کی تاکید کی۔تاکہ انتظام انصرام/ امن عامہ و عوامی مفاد کو بھرپور طریقے سے سرانجام دیا جائے۔ آخر میں لوگوں نے کمشنر کا شکریہ ادا کیا کہ انہون نے ان کے جائز مطالبات سن لئے اور ان کو حل کرنے کی یقین دھانی کی۔

دریں اثنا کمشنر سید ظہیر الاسلام نے ڈپٹی کمشنر اپر چترال شاہ سعود کے ہمراہ سیلاب سے متاثرہ یارخون لشٹ کا دورہ کیا اور یارخون لشٹ کے سیلاب متاثرین میں امدادی چیک تقسیم کئے۔اورمتاثرین کو صوبائی حکومت اور ڈسٹرکٹ ایڈمنسٹریشن اپر چترال کی طرف سے ہر ممکن تعاون کا یقین دلایا۔ متاثرین نے کمشنر کا اپر چترال کے دورافتادہ علاقہ کا دورہ کرنے پر ان کا شکریہ ادا۔ کیا۔
گزشتہ دن سید ظہیر الاسلام کمشنر ملاکنڈ ڈویژن نے پولیس سٹیشن بونی کا بھی دورہ کیا۔ اس موقع پر ذوالفقار تنولی ، ڈسٹرکٹ پولیس آفیسر اپر چترال بھی ان کے ہمراہ تھے۔ انہوں نے پولیس سٹیشن میں پولیس آفیسران اور پولیس فورس کے جوانون سے ملا اور لوگوں کو سستا انصاف کی فوری فراہمی کے حوالے سے احکامات صادر کیے۔ ڈسٹرکٹ پولیس آفیسر اپر چترال نے تھانہ ہذا اور دوسرے تھا نہ جات کے مسائل سے کمشنر کو آگاہ کیا۔ کمشنر نے تمام مسائل تفصیل سے سنا اور تمام مسائل جلد حل کرنے کی یقین دھانی کی۔ ڈسٹرکٹ پولیس آفیسر آپر چترال نے کمشنر کو تھانہ بونی کا دورہ کرنے پر ان کا شکریہ ادا کیا۔

شیئر کریں: